.webp){kind=icon}
Малку повеќе од еден месец, банката „Силикон валеј“ (СВБ) беше втората по големина пропадната американска банка. Оваа титула СВБ ја држеше додека „Фрст рипаблик“ (First Republic Bank), калифорниска банка која опслужуваше претежно богати клиенти, не ја отстрани од таа позиција.
Прочитајте повеќе на: Тоне уште една банка во САД, „ЏП Морган“ ќе ја спасува со преземање
„Фрст рипаблик“ беше ставена под контрола на Федералната корпорација за осигурување на депозити (FDIC) во понеделникот наутро, откако не успеа да ги надомести загубите од одливот на депозити и падот на вредноста на имотот. Преговорите за спас на банката се одолговлекуваа неколку недели, но американскиот регулатор конечно постигна договор со „ЏП Морган“ (JP Morgan Chase & Co.) за преземање на имотот на пропаднатата банка, кој вклучува 173 милијарди долари кредити и 30 милијарди долари во хартии од вредност, како и 92 милијарди долари депозити.
„Фрст рипаблик“ се катапултираше на листата на најголеми пропаднати банки
Bloomberg
Активата на „Фрст рипаблик“ вредеше 229 милијарди долари во средината на април, ставајќи ја зад „Вашингтон мјучуал“ (Washington Mutual), која пропадна во 2008 година, со имот вреден 307 милијарди долари и 188 милијарди долари вкупни депозити. FDIC тогаш ја презеде контролата врз банката од Сиетл и ги продаде нејзините операции на „ЏП Морган“ за 1,9 милијарди долари.
Меѓу најголемите колапси на банки надгледувани од FDIC во текот на овој век, три се случија во изминатите неколку недели, бидејќи СВБ и „Сигначур“ пропаднаа на почетокот на март. СВБ за време на колапсот имаше актива од 167 милијарди долари.
