.webp){kind=icon}
Светските централни банки направија една од своите најголеми грешки кога ги потценија големината и траењето на инфлаторниот притисок.
Тоа е видливо и од тоа што тие грешки ги наведуваа постојано да ги менуваат прогнозите за растечките цени.
Токму тоа недоволно предвидување на развојот на настаните има свои последици.
Сега, ФЕД и поголем дел од другите централни банки настојуваат да го надоместат изгубеното време со тоа што агресивно ги зголемуваат каматните стапки, нешто што не е видено со децении. Тоа значи дека цената за задолжување на крајот може да излезе поголема од тоа што би требало ако со дигањето на каматите се почнеше навреме.
А, самиот факт дека не сепрогнозираше добро сега може да придонесе за недоверба во изјавите дека зголемените камати нема да доведат до рецесија.
„Минатата година нашата централна банка лошо потфрли. Лошо предвидуваше и морам да кажам дека тоа не е до крај средено“, вели поранешниот американски министер за финансии Lawrence Summers.
Медијалната прогноза на официјалните лица од ФЕД за јуни покажува дека инфлацијата треба да се намалува кон два отсто, а невработеноста да достигне врв од 4,1 отсто до крајот на 2024 година.
„Тоа е малку веројатно“, вели Summers.
Претседателот на ФЕД, Jerome Powell и неговите колеги од другите банки не бегаат од тоа дека се направени грешки, најмногу затоа што се мислеше дека инфлацијата е привремена.
„Наравоучението е дека работите на страната на понудата можат да бидат многу комплицирани“, вели Powell.
Некои се надеваа дека чекањето за стегање на монетарните политики може да ги подобри состојбите на пазарот на труд. Наместо тоа, заради слабите монетарни мерки луѓето продолжуваа да трошат, а трговијата се најде во проблеми. Војната во Украина и кинеската политика за 0 ковид, што е надвор од моќта на централните банки, дополнително ја влоши ситуацијата со дигање на цените на храната и горивата. Недостигот на работна сила ги дигна платите, а фискалните мерки ја поттурнаа побарувачката.
Политичарите од кои централните банки успеаа да останат независни, сите овие погрешни проценки внимателно ги следеа.
Австралиската влада почна ревизија за постапките според кои се одвива прогнозираето во тамошната централна банка, а британската министерка за надворешни работи, Лиз Трус, рече дека може да го смени мандатот на централната банка ако во септември стане премиерка.
Републиканците, ако наесен освојат мнозинство во Конгресот, исто така би можеле да не ги простат лошите проценки на ФЕД.
„Централните банкари мораа добро да размислуваат при водењето на монетраните политики во претходните две годинии да ги ревидираат моделите и претпоставките кои ги користат, како и проценките кои ги правеа. Глваната причина за инфлаторните притисоци лежи во лошите проценки на централните банки во водењето на монетарните политики за време на пандемијата“, оценува гувернерот на централната банка на Нов Зеланд, Graeme Wheeler.
