.webp){kind=icon}
„Хјундаи“ (Hyundai Motor Group) и „СК он“ (SK On Co.) ќе потрошат дури пет милијарди долари во Северна Америка за производство на батерии за електрични автомобили, бидејќи законот за климатски промени на претседателот Бајден ги охрабрува компаниите што се дел од синџирот на снабдување со делови потребни за производство на електрични возила да инвестираат таму.
Јужнокорејската фирма ќе има еднакво учество во фабриката за батерии за електрични возила, која ќе се гради во округот Бартоу, Џорџија, а се очекува производството на ќелии да започне во втората половина на 2025 година.
Се очекува новата фабрика да има годишен производствен капацитет од 35 гигават-часа батериски ќелии за електрични возила, што е доволно за производство на 300.000 целосно електрични возила.
