.webp){kind=icon}
Францускиот претседател Емануел Макрон денеска на маргините на собирот на околу 200 светски бизнис-лидери, кои самиот ги покани во Версај, ќе се сретне со Илон Маск. Целта на собирот е Макрон за да ја покаже својата способност за привлекување странски инвестиции.
Во својот обид да го подигне францускиот профил меѓу инвеститорите, Макрон особено се фокусираше на тоа да ја направи северна Франција центар за производство на батерии за електрични автомобили и сродни материјали. А, Маск, вториот најбогат човек во светот, го предводи производителот на електрични автомобили „Тесла“ (Tesla Inc).
Францускиот министер за финансии Бруно Ле Мер денеска за ТВ БФМ (BFM) изјави дека се водат преговори со Маск за можни инвестиции во Франција, без да наведе детали.
Со објавувањето на мерките за враќање на индустрискиот пад на Франција, Макрон се обидува повторно да се издигне во својот втор мандат на функцијата, по штетната битка околу пензиските реформи, кои ја нарушија неговата популарност. Во неделата во интервју за „Опинион“ (L’Opinion), тој вети дека ќе продолжи да ги намалува даноците и покрај неодамнешните предупредувања за нивото на јавниот дефицит. Тој вечерва ќе зборува и на француската национална телевизија.
Инаку, се очекува Макрон да се сретне и со неколку други извршни директори, вклучувајќи ги Алберт Бурла од „Фајзер“ (Pfizer Inc.) и Роберт Ајгер од „Волт Дизни“ (Walt Disney Co.).
