.webp){kind=icon}
Цените на кинеските недвижности паднаа во јуни и тоа е десетти месец по ред. Тоа покажува дека владините мерки за помош не успеваат да ја зауздаат растечката криза на недвижностите во земјата.
Цените на новите куќи во 70 градови, исклучувајќи ги оние кои ги субвенционира државата, паднаа за 0.1 отсто во однос на мај, покажуваат податоците на Националното биро за статистика. Продажбата на куќи падна во однос на лани, иако темпото е намалено.
Кинескиот пазар на недвижности од 2,4 милијарди долари покажува малку знаци за опоравување, што ги зголемува неволјите на економијата која одвај се опорави минатиот квартал. Пандемијата остави последици на финансискиот систем затоа што извештаите покажуваат дека се поголем број купувачи на куќи одбиваат да ги платат хипотеките за недовршените станови, што ги вознемирува инвеститорите.
Продажбата на станови падна за 23 отсто во јуни, ублажувајќи го падот од 42 отсто во мај, затоа што во повеќе градови веќе нема ковид рестрикции. Во однос на минатиот месец продажбата пораснала за 69 отсто, покажуваат пресметките на Bloomberg засновани на официјалните податоци.
Сепак, прогнозите за натамошно подобрување се слаби заради бојкотот на хипотеките и новиот раст на бројките на заразени со Ковид. Продажбата се намалува веќе една година што е најдолг пад откако Кина создаде пазар на приватен имот кон крајот на деведесеттите.
Власта оваа недела одржала итни состаноци со банките за да го разгледааат влијанието на укинувањето на станбените кредити. Купувачите во најмалку 100 проекти во повеќе од 50 градови запреа со плаќањето затоа што градбата доцни и заради загриженоста за падот на цените.
Кинеските власти ги ублажуваат правилата за сопственост над куќите и ги повикуваат банките да позјамуваат повеќе за да го поддржат секторот со недвижности кој, според проценките има вредност од околу четвртина од вкупната економија. БДП порасна за само 0.4 отсто во вториот квартал, покажуваат официјалните податоци, што значи дека Пекинг ќе ги намали проекциите за раст од околу 5,5 отсто годинава.
