.webp){kind=icon}
Bloomberg Adria TV (Блумберг Адриа ТВ) oд денеска започна со емитување.
Ова ја надополнува новата информативна мрежа чиј фокус се деловните и финансиските вести, а која работи истовремено во пет земји, со редакции во Босна и Херцеговина, Хрватска, Северна Македонија, Србија и Словенија.
Дигиталното издание на Bloomberg Adria (Блумберг Адриа), првата пан-регионална мултиплатформска мрежа за деловни вести во Југоисточна Европа, официјално започна со работа на 1 јули.
Bloomberg Adria ќе работи како информативен сервис достапен 24 часа на ден, седум дена во неделата, со осум часа ТВ програми во живо секој ден од студијата во Белград, Љубљана, Сараево, Скопје и Загреб.
Bloomberg Adria/Daniel Fazlić
Одговорната уредничка за телевизијата Весна Дамјаниќ, вели дека ова е тимски напор на 30 телевизиски новинари кои сакаат да направат чекор напред во известувањето за економијата во регионот и светот, со додавање на повеќе анализи на секоја вест и набљудување на поширокиот контекст.
„Тимот и јас сме смирени, бидејќи знаеме дека ја завршивме најдобрата работа досега. Од ден на ден ќе видите што подготвуваме и како тимот ја спроведе идејата и стандардот на Bloomberg во нашиот регион“, посочи Дамјаниќ.
Bloomberg Adria TV ќе биде достапна на кабелските канали, во живо, архивирана и во написи на дигиталната веб-страница www.bloombergadria.com.
