.webp){kind=icon}
Акциите на „Кредит суис“ (Credit Suisse Group AG) пораснаа поради изгледите дека саудискиот престолонаследник, Мохамед бин Салман, ќе преземе удел во планираната инвестициска банка на швајцарската фирма.
Бин Салман може за оваа цел да насочи околу 500 милиони долари, според извори запознаени со ситуацијата. Како инвеститор може да се вклучи и поранешниот извршен директор на „Барклис“ (Barclays Plc), Боб Дајмонд преку неговата „Атлас мерчант“ (Atlas Merchant Capital), велат изворите, кои побарале да останат анонимни бидејќи станува збор за приватни сознанија. Не е јасно дали интересот на престолонаследникот ќе се манифестира преку личен капацитет или преку други инвестициски средства во Кралството.
Саудиската национална банка, која е 37 отсто во сопственост на државниот фонд на земјата, веќе е главен инвеститор во тековното зголемување на капиталот на Credit Suisse од четири милијарди долари. Понатамошна инвестиција на земјата богата со нафта ќе ја зголеми довербата во напорите за реструктуирање на банката. Директорите на банката веќе посочија дека неколку страни се заинтересирани да инвестираат во брендот Credit Suisse First Boston под палката на ветеранот Мајкл Клајн.
Прочитај повеќе
Кредит Суис очекува загуби во последното тримесечје
Акциите паднаа за 2,6 проценти, што е под рекордно ниското ниво од крајот на септември
23.11.2022
Credit Suisse собира 4 милијарди долари за да го финансира својот ремонт
Извршниот директор Улрих Кернер најавува дека Credit Suisse повторно ќе биде профитабилна од 2024 година.
27.10.2022
Credit Suisse најави откуп на долг во износ од три милијарди долари
Откупот на долгот се смета за одговор на загриженоста за солвентноста на банката т.е. за демонстрација на финансиска сила.
07.10.2022
Од Credit Suisse одбиле да коментираат. Од Центарот за меѓународни комуникации на Саудиска Арабија не одговориле веднаш на барањето за коментар. „Волстрит журнал“ (The Wall Street Journal) претходно објави за интересот за инвестирање.
Банката со седиште во Цирих ги продолжи добивките од петокот, кога коментарите на претседателот Аксел Леман помогнаа да се прекине 13-дневната низа на загуби. Акциите пораснаа за три отсто, на 3,03 швајцарски франци во 14:17 часот во Цирих, откако претходно поскапеа за дури 7,5 отсто. Тие годинава се намалени за околу 64 отсто.
Credit Suisse се стреми да ја прекине загриженоста околу својата финансиска состојба по загубата од над осум милијарди долари во изминатите две години и некои неодамнешни пребегнувања на клиентите. Секој надворешен инвеститор во Credit Suisse First Boston би го намалил капиталот што швајцарската банка ќе треба да го насочи кон единицата во долгогодишниот процес на нејзино отсекување. Леман минатата недела рече дека состојбата со ликвидноста на банката е подобрена и дека бил запрен огромниот одлив на средства на клиентите кој се случуваше во изминатите месеци.
Падот од изминатите недели ги придвижи акциите блиску до нивото што швајцарскиот заемодавач им го нуди на инвеститорите за зголемување на капиталот, оштетувајќи ја привлечноста на понудата.
Се преземањето од страна на Клајн, First Boston ќе се обиде да ги заштити и обнови некои од историски најсилните инвестициско-банкарски бизниси на компанијата, како што се спојувањата и превземањата. Одделот за инвестициско банкарство на швајцарската фирма беше именуван Credit Suisse First Boston речиси две децении пред во 2005 година називот да се повлече со цел еден бренд за сите нејзини бизниси.
Потенцијалната инвестиција на лидерот на Саудиска Арабија, познат и по неговиоте иницијали МБС, ќе биде дополнителна демонстрација на силата на врските на Клајн со Блискиот Исток. Неговите врски во Кралството беа клучен дел од плановите за инвестициската банка и зголемувањето на капиталот. Тој беше директно вклучен во помагањето за усогласување на инвестицијата од страна на Саудиска национална банка, дозволувајќи ѝ да преземе удел од дури 9,9 отсто, според луѓе запознаени со ситуацијата.
