.webp){kind=icon}
Стопанска банка АД Битола соопшти дека Владимир Ефтимоски, претседател на Управниот одбор на банката продал 5.951 обична акција што претставува 1,52 проценти од вкупниот број на обични акции издадени од банката.
Соопштението следува откако вчера во блок-трансакција на Македонската берза беа продадени 5.941 акција од Стопанска банка АД Битола. Акциите се продадоа за вкупна сума од 14,6 милиони денари (238.000 евра) односно за 2.473 денари по акција.
Според акционерската состојба на банката, заклучно со 27 февруари годинава единствено еден акционер има над пет отсто од банката. Станува збор за Пелистерка АД Скопје која поседува 16,99 отсто од акциите.
Пред две години односно заклучно со последниот ден од 2020 година Пелистерка АД Скопје, заедно со поврзаното лице ТИМОХ ДОО Скопје поседуваше 21,85 отсто од обичните акции на банката.
