.webp){kind=icon}
„Рено“ (Renault SA) објави подобра продажба од очекуваното во првиот квартал поради големата побарувачка за новите модели, како што е спортското теренско возило „аркана“ (Arkana), како и поради подобрата понуда на клучните автоделови, како што се полупроводниците.
Приходите на групацијата се зголемија за 29,9 проценти, на 11,5 милијарди евра (12,6 милијарди долари), објави утрово францускиот производител на автомобили, што е над процените на аналитичарите, кои очекуваа приходите да изнесуваат 11,3 милијарди евра. „Рено“ ја потврди и својата перспектива за целата година.
„Групацијата 'Рено' има солиден почеток на годината. Силната книга за нарачки на крајот на март и сите претстојни лансирања ќе продолжат да ја поддржуваат деловната активност на групацијата“, се вели во соопштението на главниот финансиски директор Тиери Пиетон.
Прочитај повеќе
Ново поевтинување на дел од возилата на „Тесла“
Цената на моделот ипсилон (Y) со долг досег и погон на четири тркала ќе се намали за 3.000 долари.
19.04.2023
„Рено“ и „Нисан“ постигнаа т.н. спогодбен договор за соработка
Компаниите потпишаа договор со цел да се намалат долготрајните тензии меѓу нив.
06.02.2023
Додека годините на тесни грла во синџирот на снабдување ги оставија производителите на автомобили со рекордни нарачки, се очекува дека високата инфлација и каматните стапки ќе влијаат на идната побарувачка.
Неодамнешните потези на „Тесла“ (Tesla Inc) за намалување на цените на своите електрични возила во Европа ги комплицираат напорите на главниот извршен директор на „Рено“, Лука де Мео, да ги држи повисоките цени дури и во услови кога се намалува недостигот од делови.
„'Рено' веројатно ќе биде принуден да ги намали цените за електричните возила, вклучувајќи го и својот ’меган-Е-тек’ (Megane E-Tech), за да ги произведе потребните количества, со цел да се усогласи со ограничувањата за емисиите во Европа. Доколку 'Рено' ја реши загриженоста со намалување на цените на ’меганот’, тоа би имало негативно влијание врз заработката“, наведоа аналитичарите на Банката на Америка во неодамнешната белешка.
Претходно оваа година Де Мео сигнализираше дека компанијата нема да ги следи намалувањата на цените на „Тесла“, означувајќи ја стратегијата на американскиот конкурент како ризична. Производителот напредува со длабоко обновување на својот бизнис.
„Рено“ работи и на постигнување конечен договор со јапонскиот партнер „Нисан“ (Nissan Motor Co), што ќе им овозможи на компаниите да го ребалансираат нивниот проблематичен дводецениски сојуз. Де Мео продолжува со тој договор додека се обидува да ги подели бизнисите на „Рено“ и да работи со нови партнери во услови на транзиција на индустријата кон електрични возила и сè пософистициран софтвер.
