По низата поевтинувања, „Тесла“ симболично поскапува дел од моделите

„Тесла“ (Tesla Inc.) малку ги зголеми цените на својот седан „модел 3“ (Model 3) и на спортското теренско возило „модел ипсилон“ (Model Y) во САД и Кина, бидејќи пионерот за електрични возила продолжува да ја менува својата ценовна политика.

Цената на „моделот 3“ во Кина се искачи на 231.900 јуани (33.520 долари) од 229.900 јуани (околу 33.200 долари), додека цената на теренското возило се зголеми за 2.000 јуани (речиси 300 долари). Ова го покажуваат податоците од интернет-страницата на компанијата.

Во САД цените на „модел ипсилон“ и „модел 3“ се зголемија за 250 долари, со што теренското возило сега се продава почнувајќи од 47.240 долари, според  интернет-страницата на „Тесла“.

Најновите приспособувања следуваат по серијата стрмни намалувања на цените, што значеа пад од речиси една третина на цената на најпродаваните модели на „Тесла“ во САД.

Во моментов нема коментари за веста. Биди прв да коментира...

Остави коментар