.webp){kind=icon}
„Вел фарго“ (Well Fargo & Co) се согласи да плати една милијарда долари за да ја реши тужбата на акционерите што ја обвинија компанијата дека дава погрешни изјави за почитување на сојузните наредби за усогласување по скандалот од 2016 година што се однесуваше на неовластено отворање сметки на клиенти.
Според адвокатите на инвеститорите, кои во понеделникот поднесоа барање судијата на Менхетн да го одобри договорот, спогодбата е една од шесте најголеми колективни спогодби во изминатата деценија.
Инвеститорите ја тужеа банката во 2020 година, тврдејќи дека нејзиниот поранешен главен извршен директор Тим Слоун и други директори дале погрешни изјави во сведочењето пред Конгресот, инвеститорите и медиумите. Инвеститорите тврдеа дека извршните директори претставиле премногу розово сценарио за нивните интеракции со регулаторите, вклучувајќи и необјавување дека нивните првични реформски планови биле отфрлени од властите.
Приходите од спогодбата ќе бидат наменети за инвеститорите што купиле акции на оваа компанија во периодот од 2 февруари 2018 до 12 март 2020 година.
Претставниците на „Велс фарго“ не одговорија веднаш на барањето за коментар за спогодбата, кое беше испратено по редовното работно време, иако веста беше објавена претходно од страна на „Волстрит журнал“ (Wall Street Journal).
Договорот доаѓа по спогодбата од пред четири години во врска со скандалот со лажни сметки на банката со директори и раководители, проценети на 320 милиони долари, како и по акционерскиот договор од 2018 година, што ја чинеше компанијата 480 милиони долари. Во 2020 година „Велс фарго“ се согласи да плати три милијарди долари за да ги реши американските истраги за повеќе од една деценија на широкораспространети злоупотреби на потрошувачите, што ѝ дозволи на банката да избегне кривични пријави.
