.webp){kind=icon}
Скокот што „Епл“ (Apple) го забележа во 2023 година повторно ја доведе пазарната вредност на компанијата до историската граница - три билиони долари.
Акциите на технолошкиот гигант годинава пораснаа за 35 отсто, што му дава пазарна вредност од речиси 690 милијарди долари, бидејќи инвеститорите се собираат околу производителот на ајфон, привлечени од стабилната заработка и големите парични текови. Напредокот го приближи „Епл“ до рекордот што компанијата го постигна во 2022 година.
„Во целата моја кариера никогаш не замислував компанија од оваа големина, а уште помалку замислував компанија што ќе биде способна да генерира повеќе од 100 милијарди долари слободен готовински тек годишно“, рече Патрик Бартон, менаџер за портфолија во „Мејнстеј Винслоу“ (MainStay Winslow Large Cap Growth Fund.), која поседува речиси 4,5 милиони акции на технолошката компанија, според најновите податоци. „Кога ќе ги погледнете основните метрики, јасно е зошто 'Епл' има толку добри резултати“.
„Епл“ и другите технолошки гиганти годинава се истакнаа на пазарот благодарение на инвеститорите, кои, откако се соочија со ризикот од потенцијална рецесија, банкарски колапси и зголемен јавен долг на САД, почнаа да гравитираат кон поголемите компании. Акциите на компанијата сега се омилени меѓу институционалните инвеститори, инвестициските фондови, инвеститорите на мало, па дури и Ворен Бафет.
Оваа извонредна изведба, сепак, доведе до голема дебата за вредноста на „Епл“. Со 28 пати поголема заработка од проектираната, акциите достигнаа невидени височини за технолошката компанија чии приходи се очекува да се намалат оваа година, тргувајќи се повисоко во однос на сопствениот историски тренд, покажуваат податоците собрани од „Блумберг“.
Bloomberg Mercury
Додека вредноста на „Епл“ се зголеми малку над билион долари на почетокот на 2022 година, компанијата не успеа да го надмине тоа ниво, а достигнувањето на ова ниво го означи почетокот на трендот на намалување, што конечно резултираше со пад од 27 отсто, кога инвеститорите се повлекоа од технолошките акции поради зголемените каматни стапки. Доколку „Епл“ повторно го достигне тоа ниво, ќе биде првата компанија што успеала да го стори тоа. Во моментов, со пазарна вредност од 2,76 билиони долари, оваа компанија е поголема од целиот индекс Russell 2000.
