.webp){kind=icon}
„ЏП Морган“ (JPMorgan Chase & Co.) извести околу 1.000 вработени во банката „Фрст рипаблик“ (First Republic Bank) дека нема да продолжат со работа, дури ни привремено, по преземањето на пропаднатиот заемодавец.
Најголемата американска банка во четвртокот им понудила полно работно време или преодни улоги на околу 85 отсто од речиси 7.000 вработени што сè уште работеле во „Фрст рипаблик“ кога пропаднала, додека на другите им било кажано дека нема да добијат понуди, според извор запознаен со ситуацијата. Привремените вработувања ќе бидат на три, шест, девет или 12 месеци, во зависност од позицијата, појаснува изворот, кој побарал да остане анонимен бидејќи станува збор за доверливи информации.
„Од нашето преземање на 'Фрст рипаблик' на 1 мај, ние бевме транспарентни со нивните вработени и го одржавме ветувањето дека ќе ги ажурираме за нивниот работен статус во рок од 30 дена“, порача во соопштение портпаролот на „ЏП Морган“ со седиште во Њујорк. „Признаваме дека тие беа под стрес и неизвесност од март и се надеваме дека денешниот ден ќе донесе транспарентност“.
Прочитај повеќе
Колапсот на „Фрст рипаблик“ е шанса за инвеститорите и финтек-компаниите
Директорите на американската банкарска индустрија го опишуваат договорот како стабилизирачки.
02.05.2023
„Фрст рипаблик“ стана втора по големина пропадната банка во САД
Банката имаше актива во вредност од 229 милијарди долари, a на врвот на листата е „Вашингтон мјучуал“.
01.05.2023
Тоне уште една банка во САД, „ЏП Морган“ ќе ја спасува со преземање
Американската банка „Фрст рипаблик“ е преземена од регулаторите и ќе биде купена од „ЏП Морган“ откако досегашните напори за нејзино спасување не успеаја.
01.05.2023
Поранешните вработени во „Фрст рипаблик“ на кои не им е понудена работа во „ЏП Морган“ „ќе добијат плата и бенефиции што покриваат 60 дена и ќе им биде понуден пакет што вклучува дополнителна паушална исплата и континуирано покривање на бенефициите“, посочи портпаролот.
„Фрст рипаблик“ кон крајот на април соопшти дека ќе намали дури 25 отсто од својата работна сила, една од повеќето акции наменети да ја зајакнат проблематичната банка и да ги смират инвеститорите. Тие мерки на крајот не беа доволни, а фирмата со седиште во Сан Франциско беше запечатена од регулаторот неколку дена подоцна. Повеќето од вработените што не добија понуда од „ЏП Морган“ во четвртокот се идентификувани како дел од планираните кратења на „Фрст рипаблик“, но требало допрва да бидат известени по пропаѓањето на банката, посочува изворот.
