.webp){kind=icon}
Богатството на семејството Волтон падна за 11,4 милијарди долари во вторникот, откако „Волмарт“ (Walmart) по втор пат оваа година ја намали прогнозата за заработка.
Акциите на семејниот синџир на маркети со седиште во Бентонвил, Арканзас паднаа за 7,6 отсто во Њујорк, откако беше речено дека прилагодената заработка по акција ќе падне за дури 13 отсто годинава, бидејќи Американците ќе ги зауздаат трошоците за големи купувања во услови на пораст на цените. Компанијата пред два месеца објави дека заработката по акција ќе падне само за околу еден процент, додека во февруари предвидуваше скромен пораст.
Главата на семејството, покојниот Сем Волтон, го изгради бизнисот околу стратегијата на попусти која во минатото помогна да се зголемат акциите во време на рецесии. При ревизијата на перспективите, Walmart ги наведе трошоците за намалување на залихите бидејќи клиентите станале сè поколебливи да купуваат откако инфлацијата во САД достигна највисоко ниво во последните четири децении.
Bloomberg Mercury
Трите преживеани деца на Волтон, Алис, Џим и Роб, снаата Кристи и нејзиниот син Лукас поседуваат нешто помалку од половина од трговијата на мало. Тоа им дава комбинирана нето вредност од околу 199,3 милијарди долари, според индексот на милијардери на Bloomberg, што е помалку за речиси 11 отсто од почетокот на годината.
Семејството Волтон, кое го поседува својот удел во Walmart преку различни фондови, во последните години ја зголеми продажбата на акции. Тие продадоа акции во вредност од 6,2 милијарди долари минатата година, а компанијата соопшти дека тоа е дел од стратегијата да се задржи уделот на семејството под 50 отсто.
Таа продажба, заедно со надворешните вложувања во американски акции и евтини фондови со кои се тргува на берзите, ги вооружи со големи средства за аквизиции. Групата предводена од Роб Волтон се согласи да го купи тимот Денвер Бронкос од НФЛ за рекордни 4,65 милијарди долари. Договорот, објавен во јуни, сè уште треба да биде одобрен од финансискиот комитет на Националната фудбалска лига.
