.webp){kind=icon}
Нестле уште еднаш ги зголеми цените на потрошувачите во текот на второт тромесечие заради растот на трошоците.
Најголемиот светски производител на храна очекува раст на продажбата за 7 до 8 отсто во оваа фискална година, што е повеќе од претходната прогноза за раст од пет отсто, стои во денешното соопштение на компанијата.
Но, Нестле потенцира дека профитабилноста може да падне, а акциите на компанијата по ова паднаа за околу 1,5 отсто.
Швајцарскиот прехранбен гигант се придружува на конкурентите Унилевер,Данон и Рекит кои ги зголемија прогнозите за продажба неделава затоа што расте побарувачката за поскапи производи расте.
Производителите на чоколадите Кит Кет и водата Периер претходно најави раст на цените за да ги намали трошоците. Војната во Украина, се поголемите сметки за гориво и струја, континуираните проблеми во снабдувачките синџири ја предизвикуваат најголемата инфлација последните децении.
Во април Нестле ги дигна цените на производите за 5,2 отсто што е најмногу во последните десет години. Во првото полугодите од оваа година вкупнот раст на цените изнесуваше 6,5 отсто.
Според главниот извршен директор на компанијата, цените растат на „одговорен начин“ за да помогнат во управувањето при „раст на трошоците кој е без пресадан“.
„Секако дека прави се што можеме за да ги заштитите потрошувачите, но мораме да ја заштитиме и компанијата“, вели директорот.
Прехранбениот сектор во моментов подобро ја поднесува инфлацијата од трговците кои продаваат поскапи артикли, затоа што храната е основна потреба. Но со инфлација која допрва треба да го достигне врвот постои ризик дека потрошувачите ќе почнат да купуваат поевтини производи.
