Во Германија расправа за владина мерка: „Унипер може да пропадне“

Германскиот министер за економија Роберт Хабек предупреди дека најголемиот снабдувач со гас во земјата „Унипер“ (Uniper SE) може да пропадне доколку владата биде принудена да ја повлече новата давачка наменета да ги компензира компаниите за зголемените цени.

Владата на канцеларот, Олаф Шолц, наметнува давачка за потрошувачката на гас од 1 октомври и планира да ги искористи парите за да помогне да спречи добавувачите, вклучително и Uniper, да пропаднат. Мерката беше широко критикувана затоа што може да ја искористуваат и енергетски компании кои не се во неволја, а некои членови на владејачката коалиција на Шолц се приклучија на повиците таа да се преработи или целосно да се укине.

„Техничките детали за оваа давачка сигурно сè уште може да се преиспитаат“, им рече Хабек на новинарите во Берлин во петокот. Во исто време, тој предупреди дека со отфрлањето на давачката, компаниите како Uniper веројатно ќе пропаднат, што може да има уште подраматични последици за германските потрошувачи.

„Тоа ќе доведе до сосема поинаква социјална дебата“, рече Хабек. „Обезбедувањето на снабдување со гас за Германија во услови на неизвесност околу испораките од Русија е приоритет“, додаде тој.

Штефен Хебестрајт, главниот портпарол на Шолц, претходно го повтори апелот на Хабек до компаниите дека не треба да аплицираат за компензација ако не им треба.

Тој ги наведе РВЕ (RWE AG) и „Шел“ (Shell Plc) како примери на фирми кои доброволно се откажале од парите.

Во моментов нема коментари за веста. Биди прв да коментира...

Остави коментар