Цената е главната причина зошто поголем дел од македонските купувачи преферира да купи користено возило, сметаат дел од увозниците во земјава.
Според Александар Димовски, увозник на користени возила, на глобално ниво се забележува стабилизација на цените на овие возила поради зголемената понуда.
Александар Димовски
Bloomberg Adria
„И хронолошки низ годините наназад во увозот и во продажбата на нашиот пазар доминираат користените возила. Причина е стандардот во нашата земја, па апетитите на купувачите не се насочуваат кон нови возила бидејќи цените им се високи, а и сè уште растат. Кај цените на половните возила, пак, гледаме стабилизација поради зголемената понуда“, вели тој.
Според Димовски, во последните месеци има и ладење на пазарот и намалена побарувачка.
Bloomberg Adria
„Секогаш кога имаме изборни години има и пад на побарувачката на возила, односно на стоки што не се неопходни за граѓаните. Сега заврши тој изборен период и се надеваме на повторно раздвижување на пазарот“, вели тој.
Во однос на електричните возила, пак, се забележува растечки тренд на увозот во Македонија, но и натаму е срамежлив. Според Димовски, пречка е инфраструктурата.
Bloomberg Adria
„Побарувачката на електрични возила е многу мала односно побарувачки има повеќе за хибрид возилата, бидејќи граѓаните сè уште не се сигурни што ќе им донесе купувањето електричен автомобил. Причина за тоа е недоволно развиената инфраструктура во нашата земја и во наредните години не очекувам да се промени ниту побарувачката за целосно електрични автомобили во Македонија. Дополнителна улога играат и субвенциите. Без субвенции при увозот и директна субвенција до граѓаните при купување, тешко до зголемување на трендот на купување електрични автомобили“, вели Димовски.
Александар Димовски (ТВ-гостување)
Bloomberg Adria
Коментирајќи ги трендовите на производителите на електрични возила, Димовски посочува дека доминација има кај кинеските производители.
„Сите ресурси се на нивна страна и продажната цена на тие возила е многу пониска. Доколку не се даночат тие возила, тие ќе го добијат приматот на електричните возила и во нашата земја и на европскиот пазар“, вели тој.
.webp){kind=icon}
