.webp){kind=icon}
Оштетени се неколку станбени згради како резултат на напад врз Москва со беспилотно летало утрово, рече градоначалникот на градот, што претставува најнов знак дека војната во Украина може да се шири надвор од границите на таа земја.
„Во раните утрински часови напад со беспилотни летала предизвика мала штета на неколку згради“, рече градоначалникот Сергеј Собјанин, според „РИА Новости“. Тој додаде дека нема жртви.
Видеата споделени низ руските социјални мрежи покажаа дека воздушната одбрана пука во беспилотни летала во различни делови на Москва и московскиот регион.
Две станбени куќи во различни делови на Москва беа погодени со беспилотни летала, објави РИА претходно утрово, цитирајќи неидентификуван претставник на службата за итни случаи.
„Утрово жителите на некои области на московскиот регион можеа да слушнат звуци на експлозии, но функционираше нашиот систем за воздушна одбрана. Неколку беспилотни летала беа соборени додека се приближуваа до Москва“, рече гувернерот на московскиот регион Андреј Воробиев на својот телеграм-канал.
Додека руските региони се соочуваат со засилени напади овој месец, нападот со беспилотни летала ова утро може да биде најинтензивен против Москва откако Русија ја нападна Украина во февруари минатата година. Претходно две беспилотни летала исто така експлодираа над Кремљ на 3 мај, напад за кој Москва ја обвини Украина, која, пак, негираше вмешаност.
