.webp){kind=icon}
Концептот за заштита на животната средина, општествена одговорност и одговорно управување попознат како ESG (англ. Environmental, social, governance - ESG ) е поврзан со корпоративното управување, законодавството и инвестициите. Одржливите инвестиции се инвестициска стратегија која значително расте во последните десет години.
Аналитичкиот тим на „Блумберг Адрија“ носи нова анализа за оние кои се фокусирани на инвестиции со пошироко влијание, како на пример, обврзници кои се добар начин за финансирање важни прашања што ги засегаат компаниите, заедниците и владите.
Годинава фокусот е на зелената транзиција која поради енергетската криза ја принуди Унијата да биде поодлучна во дефинирањето на одредени долгорочни цели за зелена транзиција. ЕУ одлучи да се обиде да достигне ниво од 40 отсто енергија од одржливи извори до 2030 година.
Прочитај повеќе
Две муви со еден удар преку издавање ЕСГ-обврзници
ЕСГ-обврзниците (англ. еnvironmental, social, governance ) им нудат на инвеститорите можност да изберат инвестирање во еколошки или социјални сегменти.
24.10.2022
„Глобалните инвеститори сè повеќе се фокусираат на пласманот на нивните инвестиции во рамките на концептот ЕСГ, односно компании кои го следат тој концепт. Компаниите ги користат придобивките што ги добиваат од овој тип на задолжување“, објасни главниот аналитичар на „Блумберг Адрија“, Андреј Кнез.
Податоците на „Блумберг интелиџенс“ покажуваат дека од почетокот на годинава вредноста на емисијата на ЕСГ-долг изнесува 1,18 илјада милјарди долари. Нашиот аналитичар вели дека тоа е двојно повеќе од 2020 година, па дури и трипати повеќе од 2019.
„Динамиката годинава е значително побавна, така што се очекува дека на ниво на целата година, би можеле да видиме обем на издавање од приближно 1,6 илјада милијарди долари“, објасни Кнез.
Најинтересни се критериумите што издавачите мора да ги следат. „М+ груп“ од Хрватска вети дека ќе ги намали емисиите на јаглерод за 25 отсто и ќе го зголеми уделот на жените на раководни позиции за 51 отсто. „Доколку не го исполнат тоа, ќе платат 18 отсто поголема камата во апсолутен еквивалентен износ“, изјави нашиот аналитичар.
Ваквото задолжување во нашиот регион допрва треба да се стандардизира. Ако се исклучат турбуленциите на пазарот, остануваат процедуралните предизвици, како што се дополнителни трошоци за издавање, недостиг од општ договор за тоа што претставува зелена политика и недостиг од клучни инвестициски проекти, смета нашиот аналитички тим.
