.webp){kind=icon}
Пазарот на недвижности покажува знаци на слабеење затоа што куповната моќ на трговците со куќи опаѓа, покажуваат податоците на веб страница за недвижнини.
Според Zoopla, на шест отсто од домовите наведени за продажба им е намалена цената за пет отсто или повеќе, што е највисоко ниво од пред пандемијата со коронавирус.
Веб-страницата анализира дека со оглед на економската позадина и факторите, вклучително и зголемувањето на цените на енергијата и зголемувањето на каматните стапки, се работи за јасен знак дека пазарите се вртат кон купувачите, по две годишен период во кој ги фаворизираше продавачите.
Наодите беа објавени по седмицата во која голем број хипотекарни производи беа повлечени од пазарот и стапките се зголемија, во услови на превирања по најавената реформа со мини-буџетот во Велика Британија.
Мини-буџетот вклучува даночни намалувања, но потенцијалните заштеди за клиентите може да бидат засенети од изгледите за повисоки месечни сметки за хипотека.
Ричард Донел, главен извршен директор во Zoopla, вели: „Порастот на вредноста на куќите за време на пандемијата и порастот на хипотекарните стапки значи дека ќе се соочиме со значителен удар врз куповната моќ на домаќинствата во остатокот од 2022 година и во 2023 година. Сопствениците на куќи кои сакаат да го продадат својот дом оваа година треба да постават реална цена и да побараат совет од агент за трендовите на локалниот пазар“.
Според Zoolpa, може да се очекуваат корекции на цените бидејќи пазарот се наоѓа во услови каде побарувачката значително ја надминува понудата.
Во извештајот се вели: „Не веруваме дека ова е предвесник на голем пад на цените, туку показател дека стапката на раст на цените ќе почне побрзо да се забавува во четвртиот квартал од 2022 година и во 2023 година, како што купувачите ќе реагираат на зголемувањето на трошоците за задолжување“.
Марк фон Грундер, директор на агенцијата за недвижнини Бенхам и Ривс, вели: „Повисоките хипотекарни стапки се само еден фактор што придонесува за кризата на трошоците за живот, но секако највлијателниот фактор кога станува збор за куповната моќ на купувачите на домови во земјата. Пазарот сега е на врвна точка каде што цените на куќите продолжија да растат брзо, но реалноста за многу купувачи е дека тие повеќе не можат финансиски да се издржуваат. Ова треба да биде важно за оние кои сакаат да продаваат и нешто што мора да се земе предвид при одредувањето на бараната цена. Влегувањето на пазарот со претерано амбициозни очекувања за бараната цена, најверојатно, ќе доведе до слабеење на вредноста на имотот “.
„Да, најновите намалувања на даноците ќе ги остават купувачите со малку повеќе во пари во џебовите, но немојте да се залажувате да мислите дека оваа маргинална заштеда ќе ги поттикне да платат многу повеќе за вашиот дом. Нема."
