.webp){kind=icon}
Трговците за првпат се обложуваат дека Европската централна банка ќе го продолжи циклусот на зголемување на каматата до 2024 година, што ќе доведе до распродажба на германскиот долг, што пак ги покачи приносите на највисоки нивоа во повеќе од 11 години.
Цените на пазарот покажуваат дека тие накратко се обложиле оти ЕЦБ ќе ја зголеми својата депозитна стапка дури на 3,9 отсто во февруари 2024 година. Пред само неколку недели трговците на пазарот на пари се обложуваа на највисока стапка од околу 3,5 отсто во јули годинава.
Приспособувањето на очекувањата е поттикнато од мноштвото силни бројки за инфлацијата во САД. Како дополнување на овој потег беше ветувањето на голем број креатори на политики на ЕЦБ дека ќе продолжат да ги зголемуваат трошоците за задолжување за да ја забават инфлацијата, која останува далеку над нивната цел од 2 отсто.
Трговците се обложуваат на подолгoтрајни покачувања од ЕЦБ
Пазарите на пари се обложуваат дека основната стапка ќе го достигне врвот во февруари 2024 година
Bloomberg
Податоците в четврток најверојатно ќе покажат дека стапката на базична инфлација во еврозоната се задржува на рекордни 5,3 отсто во февруари, според економистите анкетирани од „Блумберг“. „Многу е веројатно дека ЕЦБ ќе ја реализира својата намера да ги зголеми каматните стапки за 50 базични поени кога ќе се состане следниот месец“, изјави претседателката Кристин Лагард за индиски „Економик тајмс“ (Economic Times).
Мерачите за деловната активност и базичната инфлација демонстрираат „упорна издржливост во европската економија“, напишаа стратезите на Голдман Сакс (Goldman Sachs Group Inc.) во белешка до клиентите. Тие очекуваат десетгодишните германски приноси да се зголемат кон нивните прогнози од 2,75 отсто во наредните недели. Овие приноси се зголемија за четири базични поени во понеделникот, на 2,58 отсто, што е највисоко ниво од 2011 година.
„Тогаш, товарот е на условите за кредитирање на фирмите, домаќинствата и тековните преговори за платите, за да се покаже дека европската економија навистина забавува доволно за да ја врати инфлацијата до целта“, велат стратезите на Голдман.
ЕЦБ ги зголеми каматните стапки за 300 базични поени од јули, при што месецов ја зголеми основната стапка на 2,5 отсто.
