.webp){kind=icon}
Македонија има повисока стапка на инфлација од повеќето земји во регионот затоа што е мала, отворена, увозно - зависна економија со различна структура од другите, вели во интервју за Блумберг Адриа, универзитетскиот професор, Борче Треновски.
Различната структура се гледа, на пример, од тоа што цената на храната и енергијата учествуваат со 60 до 65 отсто, а во европските земји процентот изнесува од 15 до 20 отсто, вели Треновски и додава дека заради ова во Македонија полесно се прелева ценовниот шок. Тоа се виде и во 2008 година кога во Европа стапката изнесуваше 3,5, а во земјава осум отсто.
„За во идниот период, слично како и во земјите во регионот и во Македонија се очекува ублажување на трендот на пораст на инфлацијата кон крајот на годината имајќи предвид дека веќе се намалува ликвидноста и кај бизнисите и кај граѓаните, економската активност ќе почне да отапува и да се намалува. За следната година сите меѓународни институции очекуваат дека ќе имаме значајно намалување, преполовување на инфлацијата. Тоа ќе биде транзиторна година и некаде кон крајот на 2023, почетокот на 2024 ќе видиме стапки на инфлација приближни до предкризното ниво. Сепак, се е под знак на прашање имајќи ги превид шоковите на европско тло кои произлегуваат од конфликтот меѓу Украина и Русија и енергетската криза како резултат на тој конфликт“, вели Треновски.
Целиот разговор погледнете го во видеото.
