.webp){kind=icon}
За една година двојно поскапеа увозните цени на нафтените деривати. Државниот завод за статистика ги објави податоците за увозни цени на кокс и рафинирани нафтени производи за месец август. Бројките покажуваат дека на годишно ниво разликата во цени е дури 85,8 отсто.
При тоа, одредени производи се двојно поскапени. Поточно, увозната цена на дизелот во август годинава е покачена за 105 проценти споредено со истиот месец лани, а увозната цена на горивата за млазни мотори е поскапена за 101,8 проценти.
Увозната цена на мазутот е покачена за 55,3 отсто, а на моторниот бензин за 51 отсто. Најмало поскапување се забележува кај плинот, чија цена на годишно ниво е покачена за 24,4 отсто.
Прочитај повеќе
„Блумберг Адрија“ предвидува: Доаѓаат мрачни времиња за индустријата
Индустриското производство ќе продолжи да тоне.
05.10.2022
Неговото височество долар: Еден тон нафта е двојно поскап од лани
Силниот долар има влијание само цените на горивата затоа што увозот на нафта е во долари
10.10.2022
Ваквите податоци неминовно се одразуваат на самото индустриско производство и на крајните цени за потрошувачите.
Државниот завод за статистика ги објави и продажните цени на индустриските производи за месец август. Тука бројките покажуваат поскапување за 15,9 проценти споредено со истиот месец лани. Но, податоците на Статистика покажуваат дека одредени сектори регистрирале многу поголем раст на цените од пресметаниот просек.
Таков е случајот со секторот снабдување со електрична енергија, гас, пареа и климатизација, каде што цените на годишно ниво се зголемиле за дури 51,1 отсто.
Цените на прехранбените производи се зголемиле за 23,6 проценти, во производството на облека се покачени за 26,9 отсто, во индустријата за производство на хартија и производи од хартија продажните цени се зголемиле за 28 проценти.
Во секторот производство на други неметални производи растот е 33,8 проценти, во производството на фабрикувани метални производи покачувањето е дури 56,4 проценти, а во секторот производство на компјутерски, електронски и оптички производи растот на цените е 36,4 отсто.
Пад на цените бележи единствено секторот производство на машини и уреди, неспомнати на друго место, каде што намалувањето на годишно ниво е 6,8 отсто.
