.webp){kind=icon}
За цената на месните производи да се намали за 10 до 15 отсто компаниите од оваа индустрија велат дека е неопходно враќање на мерката за ослободување од царината за увоз на месо за преработка која престана да важи годинава.
„Засега, во однос на ова барање немаме ништо, само ветувања дека би требало да се испочитува, но нема ништо конкретно. Оваа мерка престана да важи во јуни годинава, а во моментот немаме никакви сигнали дека би дошло до некакви придвижувања“, вели во разговор на „Блумберг Адрија ТВ“, Гоце Трајчев, претседател на групацијата на производители и преработувачи на месо при Сојузот на стопански комори.
Според него, ефектите од мерката се веќе видени и добро познати.
„Од првата година на примена на мерката увозот на овие производи се намали од 13 милиони на 9 милиони килограми увоз на готови производи, а за сметка на тоа почна да се врши и извоз на овие производи. Дотогаш немавме извоз, така што мерката е изедначување на условите на стопанисување заедно со компаниите од соседството“, посочи Трајчев.
Тој во разговорот, меѓудругото нагласи и дека е тешко да се даде конкретен процент за тоа колку се намалиле цените на месните производи како резултат на мерката за субвенционирана струја.
Целиот разговор проследете го на видеото во рамки на објавата.
