Она што секако го знаеме е дека повторно нè очекува година со многу предизвици, вели во разговор за Блумберг Адрија ТВ, Горан Мартиноски, инвестициски експерт од „Прво пензиско друштво“.
Тој нагласи дека се наоѓаме во време во кое како никогаш досега има усогласеност на централите банки на глобално ниво.
„Над 95 отсто од централните банки во светот имаат рестриктивна монетарна политика односно политика на зголемување на каматните стапки“, појасни Мартиноски.
Како друг интересен факт го наведе тоа што се очекува пад на економојата, но стапките на невработеност се ниски и има постојан пад, при што земјите се соочуваат со недостиг на работна сила.
„Од друга страна проблемите поврзани со работната сила доведуваат до раст на платите. Тие растови ги гледаме и во нашите статистики, но и во последните извештаи во САД“, истакна Мартиноски.
Зборувајќи на глобално ниво, тој посочи дека согласно последните проекции се очекува раст до еден отсто, при што можеби некои од кварталите би оделе во негатива, но веројатно годината би завршила со благ раст.
Во однос на центалните банки и каматните стапки, Мартиноски истакна дека се очекува да има благо зголемување и задржување на стапките. Како пример го истакна случајот со ФЕД, чија стапка би била на ниво од 5 до 5,50 отсто.
„Лично мислам дека доколку дојде до надолни движења, централните банки повторно ќе го променат курсот за поттик на економијата“, посочи тој.
Како позитивна работа во напливот од негативни, особено кризата со енергентите, инвестицискиот експерт го посочи тоа што државите вложуваат многу средства и многу напор во обезбедување на енергатска независност и премин кон обновливи изори на енергија.
Целиот разговор со него погледнете го во видеото во рамки на објавата.