.webp){kind=icon}
Во декември 2022 година, просечната каматна стапка на вкупните кредити оствари месечно и годишно зголемување од 0,03 процентни поени (п.п.) и 0,07 п.п. соодветно и изнесува 4,44 проценти, сопшти Народната банка. Оттаму информираат дека просечната каматна стапка на вкупните депозити изнесува 0,86 проценти и бележи раст на месечна и на годишна основа од 0,09 п.п. и 0,12 п.п., соодветно.
„Просечната каматна стапка на новоодобрените кредити во декември, е зголемена за 0,34 п.п. на месечно ниво и изнесува 4,83 проценти. На годишна основа, оваа каматна стапка е повисока за 1,22 п.п. Овој месец, просечната каматна стапка на новопримените депозити забележа месечен и годишен раст од 0,07 п.п. и 0,64 п.п., соодветно и изнесува 1,34 проценти“, информираат од централната банка.
Каматни стапки на корпоративниот сектор
Во декември, просечната каматна стапка на вкупните кредити на корпоративниот сектор бележи месечно зголемување од 0,09 п.п. и изнесува 3,84 проценти.
„Притоа, промената на месечно ниво е резултат на растот на сите компоненети: каматните стапки на кредитите во странска валута (за 0,16 п.п.), како и на каматните стапки на денарските кредити без и со валутна клаузула (за 0,10 п.п. и 0,02 п.п., соодветно). Споредено на годишно ниво, каматната стапка на вкупните кредити накорпоративниот сектор се зголеми за 0,36 п.п.“, велат од Народната банка.
Каматната стапка на новоодобрените кредити на корпоративниот сектор, во декември, оствари раст од 0,57 п.п. во однос на претходниот месец и изнесува 5,02 проценти.
„Нагорната промена се должи на зголемените каматни стапки на кредитите во странска валута и каматните стапки на денарските кредити без валутна клаузула (за 1,72 п.п. и 0,14 п.п., соодветно), додека каматните стапки на денарските кредити со валутна клаузула бележат пад (за 0,53 п.п.). Анализирано на годишна основа,оваа каматна стапка забележа раст од 1,80 п.п.“, информираат од Народната банка
Во декември, просечната каматна стапка на вкупните депозити на корпоративниот сектор изнесува 1,34 проценти, што претставува месечно зголемување од 0,04 п.п.
„Притоа, растот е резултат на повисоките каматни стапки на депозитите во странска валута и на каматните стапки на денарските депозити со валутна клаузула (за 0,04 п.п., соодветно), при раст и на каматните стапки на денарските депозити без валутна клаузула (за 0,03 п.п.). Kаматната стапка на вкупните депозити на корпоративниот сектор е повисока за 0,42 п.п. во споредба со истиот месец минатата година.“, велат од Народната банка
Каматната стапка на новопримените депозити на корпоративниот сектор, во декември, се намали за 0,03 п.п. на месечна основа и изнесува 1,09 проценти.
„Анализирано според валутната структура, падот целосно произлегува од намалувањето на каматните стапки на денарските депозити без валутна клаузула (за 0,56 п.п.), во услови кога каматните стапки на денарските депозити со валутна клаузула и каматните стапки на депозитите во странска валута бележат раст (за 0,54 п.п. и 0,09 п.п., соодветно). Споредено на годишно ниво, оваа каматна стапка оствари зголемување од 0,80 п.п.“, велат од НБМ.
Каматни стапки на домаќинствата
Во декември, каматната стапка на вкупните кредити на домаќинствата забележа минимален месечен пад од 0,01 п.п. и изнесува 5,01 проценти. Месечната промена се должи на падот кај сите компоненти: каматните стапки на кредитите во странска валута (за 0,02 п.п.) и каматните стапки на денарските кредити без и со валутна клаузула (за 0,01 п.п., соодветно). Kаматната стапка на вкупните кредити на домаќинствата забележа годишно намалување од 0,17 п.п.
Во декември, просечната каматна стапка на новоодобрените кредити на домаќинствата е намалена за 0,17 п.п. во однос на ноември и изнесува 4,38 проценти.
„Надолната промена целосно се објаснува со намалувањето на каматните стапки на денарските кредити без валутна клаузула (за 0,25 п.п.), во услови на месечен раст на каматните стапки на денарските кредити со валутна клаузула и на каматните стапки на кредитите во странска валута (за 0,03 п.п. и 0,01 п.п., соодветно). На годишна основа, оваа каматна стапка оствари зголемување од 0,04 п.п“, велат од Народната банка.
Kаматната стапка на вкупните депозити на домаќинствата, во декември, забележа раст од 0,09 п.п. на месечно ниво и изнесува 0,81 проценти.
„Месечното зголемување произлегува од растот на каматните стапки на денарските депозити со валутна клаузула и на каматните стапки на депозитите во странска валута (за 0,34 п.п. и 0,10 п.п., соодветно), при раст и на каматните стапки на денарските депозити без валутна клаузула (за 0,08 п.п.). Каматната стапка на вкупните депозити на домаќинствата се зголеми за 0,09 п.п., во споредба со декември минатата година“, велат од НБМ.
Во декември, каматната стапка на новопримените депозити на домаќинствата оствари месечно зголемување од 0,04 п.п. и изнесува 1,40 проценти.
„Растот на месечна основа се должи на зголемените каматни стапки на депозитите во странска валута (за 0,34 п.п.), додека каматните стапки на денарските депозити без валутна клаузула бележат намалување (за 0,35 п.п.). Истовремено, каматната стапка на денарските депозити со валутна клаузула овој месец изнесува 2,02 проценти за разлика од претходните месеци кога банките и штедилниците не примиле ваков вид депозити. Каматната стапка на новопримените депозити на домаќинствата се зголеми за 0,50 п.п. на годишна основа“, соопшти централната банка.
