.webp){kind=icon}
Трошоците на животот во март 2023 година бележат зголемување од 14,7 проценти во однос на истиот месец од минатата година, а цените на мало бележат зголемување од 10,7 проценти, покажуваат новите податоци на Државниот завод за статистика. Тоа е сигнал дека стапката на инфлација во земјава полека забавува.
Според податоците на Државниот завод за статистика, трошоците на животот и и цените на мало во март 2023 година во споредба со претходниот месец бележат намалување од 0,1 процент.
Намалување трошоците на животот во март 2023 година, во споредба со претходниот месец, е забележано кај лебот и житата за 4,7 проценти, млекото за 4,6 проценти, маслото и маснотиите за 2,4 проценти, сирењето и урдата за 2,2 проценти, свежото и разладеното овошје за 1,2 проценти, рибата и морските плодови за 0,8 проценти и јајцата за 0,2 проценти.
Пораст на трошоците на животот во март 2023 година, во споредба со претходниот месец, е забележан кај свежиот и разладениот зеленчук, освен компирите и другите коренести плодови за 8,8 проценти, минералната вода, газираните пијалаци, соковите од овошје и зеленчук за 2,1 проценти, кафето, чајот, какаото, виното за 0,8 проценти, жестоките пијалаци за 0,7 проценти, месото, прехранбените производи, неспоменати на друго место и пивото за 0,6 проценти. Поскапувања се забележуваа и кај повеќе непрехранбени производи и услуги.
