.webp){kind=icon}
Сите идни системи за енергетска електроника за плагин хибридните возила на Volkswagen групацијата од 2024 ќе се произведуваат во охридската фабрика „Костал“, вели во интервју за Bloomberg Adria, Виктор Мизо, генералниот директор на компанијата. Германски „Костал“ на пазарот опстојува повеќе од пет години и досега во земјава вложиле над 100 милиони. Станува збор за една од најголемите инвестиции во земјата, а новата ќе биде во вредност од 25 до 40 милиони евра, зависно од потребите на Volkswagen групацијата. За ова ќе бидат вработени дополнителни од 250 до 350 вработени. Обртот ќе биде над една милијарда евра.
Мизо вели дека планирани се нови инвестиции и покрај тоа што автомобилската индустрија е во сериозна криза. Се работи и на унапредување на регионалната соработка.
„Регионалните добавувачи се многу важни. За нас Македонија е мала, работиме со многу локални добавувачи но секако и странски. Еве еден пример. Словенечка компанија ЛТХ леарница како дел од поранешна Застава функционира во Охрид и прават одливци од алуминиум. Работиме со нив и директно со Словенија, тие се наши добавувачи, а се обидуваме соработката уште да се продлабочи, вели Мизо.
Инаку автомобилската индустрија е доста погодена од актуелната криза. Таа беше и прва која трпеше последици за време на пандемијата кога настана криза во снабдувањето на чипови. Минатата година иако се очекуваше подобрување, тоа не се случи. Продажбите годинава се намалуваат со двоцифрени стапки, на што дополнително влијаеше и укранската криза.
Автомобилската индустрија во земјава почна практично од нула пред петнаесетина години и сега вработува 30.000 луѓе, а тие компании генерираат 60 отсто од македонскиот извоз.
