.webp){kind=icon}
Според најновите податоци на Државниот завод за статистика(ДЗС), трошоците на животот во Северна Македонија, коишто се главен показател за стапката на инфлација во април се зголемиле за 10,5 проценти во однос на истиот месец минатата година. Цените на мало во истиот период бележат зголемување од 11,1 процент.
Податоците на ДЗС откриваат дека во април, годинава пораст има на цените на повеќе од педесет производи и услуги. Најмногу поскапеле маслото за јадење за 20 проценти, зеленчукот за 10,1 проценти и транспортните услуги за 17,3 проценти.
Всушност, на прсти можат да се избројат производите од статистичката евиденција кај кои има намалување на цената во текот на април. Пад е забележан само кај кај медиумите за снимање за 2,6 проценти, горивата и мазивата за сопствените превозни средства за 0,9 проценти, градините, растенијата и цвеќињата и електричните апарати за лична хигиена за 0,3 проценти.
