.webp){kind=icon}
Растот на кинескиот бруто-домашен производ (БДП) веројатно ќе се забрза во втората половина од 2023 година, откако економијата ќе ги преброди почетните негативни ефекти од напуштањето на својата стратегија за нулта ковид, оценуваат аналитичарите од Голдман Сакс.
Под претпоставка дека земјата повторно ќе почне да се отвора во април, се очекува дека растот на годишно ниво во периодот од јуни до септември ќе забрза на 10 проценти од само два отсто во второто тримесечје, напишаа економистите предводени од Хју Шаном. Тоа ќе помогне за целогодишната експанзија да достигне 4,5 проценти во 2023 година, враќајќи се во активна позитива по годинешните три проценти раст.
Аналитичарите истакнаа дека некои места во Источна Азија, како Јужна Кореја, Тајван и Хонгконг, ќе забележат пад на реалната лична потрошувачка во текот на првото тримесечје по нивното повторно отворање, по што ќе следува заздравување во второто тримесечје како што ќе паѓа бројот на случаи, а факторот на страв полека ќе изчезнува.
„Сметаме дека кинескиот раст веројатно ќе покаже сличен облик и во следната година“, велат економистите.
Политиката би требало да остане приспособена во првата половина од следната година, пред да се нормализира во следните шест месеци, за кога аналитичарите предвидуваат дека потрошувачката и услугите нагло ќе се подобрат. Аналитичарите очекуваат дека интензитетот на раст по повторното отворање ќе се одржи и во 2024 година, за кога предвидуваат раст на кинескиот БДП од 5,3 проценти.
