.webp){kind=icon}
Рејтинг-агенцијата „Фич“ (Fitch Ratings Inc) предвидува дека економиите на Германија и Италија ќе влезат во рецесија до крајот на оваа година, бидејќи се борат да ја контролираат инфлацијата, иако еврозоната ќе ја избегне таквата економска состојба.
„Тие економски контракции веројатно нема да бидат сериозни, но рецесијата е значајна сама по себе. Велика Британија е веќе веројатно таму“, рече Џејмс Мекормак, глобален раководител во „Фич“, во интервју за „ТВ Блумберг“. „САД исто така се изложени на ризик од скромна рецесија кон крајот на 2023 година“, рече тој во Дубаи.
Владите низ светот се борат да внесат малку живот во своите економии, бидејќи зголемените цени, делумно предизвикани од руската инвазија врз Украина, го попречуваат растот. „Централните банки ги покачија каматните стапки за да се спротивстават на трендот на ценовен раст и тоа веројатно ќе продолжи“, рече Мекормак.
Прочитај повеќе
Германската инфлација неочекувано забрза, нов удар за ЕЦБ
Потрошувачките цени во најголемата европска економија пораснаа за 9,3 проценти на годишно ниво.
01.03.2023
Рекордна инфлација во Франција, нов притисок врз ЕЦБ и Макрон
Потрошувачките цени скокнаа за 7,2 отсто на годишно ниво, што е повеќе од јануари, кога беа седум отсто
28.02.2023
Федералните резерви на САД (ФЕД) веројатно ќе треба да ги зголемат стапките на 5,5 проценти, како што рече тој, од опсегот од 4,5 до 4,75 отсто. „Фич“ подготвува извештај за елаборирање на прогнозата во текот на овој месец.
Американското министерство за финансии го достигна законскиот плафон на долгот во јануари и законодавците во моментов расправаат за зголемување на лимитот за да се избегне неисполнување на плаќањето. Тоа сценарио е можно, според Мекормак.
„Една од земјите со многу поголем ризик од неплаќање е Пакистан“, рече извршниот директор на „Фич“, при што земјата се бори со инфлација од над 30 отсто и се стреми да ги исполни условите за да обезбеди спас преку заем во висина од 6,5 милијарди долари од Меѓународниот монетарен фонд (ММФ).
„Тоа е критичен случај за гледање, можеби најкритичен“, рече Мекормак.
„Изгледите за Египет, уште една земја што е длабоко во економска криза, зависи од способноста да се обезбеди надворешно финансирање, најверојатно од традиционалните сојузници во регионот на Заливот“, рече тој.
Една од земјите со поинтересна приказна за раскажување е Саудиска Арабија, со највисок економски раст во Г20 и во процес на диверзификација од нафтата и отворање кон надворешниот свет.
„Нивото на ентузијазам е опипливо во Саудиска Арабија. Сега почнуваме да гледаме резултати“, рече Мекормак.
