.webp){kind=icon}
Меѓународниот монетарен фонд (ММФ) ги намали изгледите за растот на глобалната економија за оваа и следната година предупредувајќи дека светот е на прагот на рецесија.
Глобалниот раст ќе забави на 3,2 отсто годинава. Априлската прогноза за 2022 година изнесуваше 3,6 отсто, а јануарската 4,4 отсто, соопшти ММФ.
Затегањето на монетраните политики икризата со снабдувањето со гас под ризик ја доведува и европсската економија ММФ вонајновиот проекции ги смали прогнозите за најголемите европски земји.
Дел од најголемите европски економии се најголеми трговски партнери на земјава. Германија и Велика Британија ги држат првите две места. Затоа експертите очекуваат дека прелевање на кризата ќе има. Сепак, прокециите за растот, власите засега не ги ревидираат.
Благица Петрески, извршна директорка на економскиот институт Фајнанс Тинк вчера во разговор за Блумберг Адриа ТВ рече дека ризици за економијата постојат.
„Според нашите проекции, економскиот раст годинава ќе биде меѓу 2,5 до 3 отсто, но заради постоечките ризици, можна е и надолна корекција“, изјави Петрески.
Според професорот Марјан Петрески пак, анализата на буџетските податоци за првата половина од годинава покажжуваат рани знаци дека благото забавување на економијата веќе почнало во вториот квартал.
„Реализацијата на буџетските приходи во однос на проектираните со ребалансот покажуваат реализација пониска од 50 отсто, особено кај ДДВ и персоналниот данок, што може да биде ран знак за благо забавување на економијата уште во вториот квартал во контекст на тековната криза поттикната од руско-украинсккиот конфликт“, заклучува професорот.
