.webp){kind=icon}
Аналитичкиот тим на „Блумберг Адрија“ очекува денеска Европската централна банка (ЕЦБ) да ги зголеми каматите за 50 базични бода.
„Од ЕЦБ денеска очекуваме зголемување на каматните стапки за 50 базични бода. Фокусот, сепак, ќе биде на комуникацијата на членовите на ЕЦБ, во смисла креирање на очекувањата за следните месеци“, вели Андреј Кнез, главен аналитичар во аналитичкиот тим на „Блумберг Адрија“.
Според нашите аналитичари, економската активност во зимските месеци се покажала посилна од очекуваното, првенствено благодарение на топлото време, кое овозможи резервите на природен гас во Европската Унија да останат значајно високи.
„Тоа значи и помал притисок на вкупните потрошувачки цени преку каналот на цени на енергентите. Меѓутоа, истовремено значи и посилна базична инфлација, односно одложување на процесот на слабеење на т.н. тврда инфлација. Поради тоа, моментално гледаме потенцијал за поголемо зголемување на каматните стапки во наредните месеци отколку што очекувавме претходно, при што најверојатното сценарио е дополнително зголемување на каматните стапки во март од 50 базични бода“, коментира аналитичкиот тим на „Блумберг Адрија“.
Инаку, се очекува Европската централна банка попладнево да донесе одлука за ново покачување на каматните стапки.
