.webp){kind=icon}
„Имам премногу работа, тоа е сигурно“, рече Елон Маск во понеделникот, одговарајќи на прашања на деловната конференција Б20, која се одржува заедно со состанокот на Г20 на Бали. „Работам апсолутно најмногу што можам - од утро до вечер, седум дена во неделата“, нагласи тој.
Новопечениот шеф на „Твитер“ се приклучи на конференцијата преку видеоврска. Маск во моментов го имплементира својот уникатен печат за управување на социјалната мрежа - пред десет дена отпушти речиси 3.700 луѓе.
Прочитајте повеќе: Како успева Илон Маск да постигне сè во 24 часа?
Оттогаш се премисли за некои од тие отпуштања, но ја прекина и можноста за работа од дома. Противењето на Маск во однос на работата од далечина досега е добро документирано, при што на персоналот на „Тесла“ му е кажано да „се преправа дека работи на друго место“ доколку сака да работи од дома. Познато е дека Маск спие на работа или дури и во фабрика.
Разговорот за работното време беше уште понереален поради затемнетата заднина на Маск и придушеното осветлување за време на видеоповикот. Милијардерот, облечен во кошула со индонезиски принт, која му ја испратиле организаторите, рече дека нема струја таму каде што се наоѓа, но не ја откри локацијата.
Маск во моментов управува со „Твитер“, „Тесла“ и „Спејсекс“ (SpaceX). Тој, исто така, ги основа компанијата за изградба на тунели „Боринг“ (The Boring Co.) и техничката компанија „Неуралинк“ (Neuralink).
„Обемот на работа во кој се вложувам себеси е преголем, најискрено“, изјави во понеделникот најбогатиот човек во светот.
