.webp){kind=icon}
Азиските акции го следеа падот на американските акции, а приносите на трезорските обврзници се блиску до највисокото ниво во последните неколку години додека инвеститорите се подготвуваат за агресивна политика на Федералните резерви (ФЕД) и денешното потенцијално големо зголемување на каматните стапки.
Акциите паднаа во Јапонија, Хонгконг и Австралија откако S&P 500 падна за повеќе од 10 отсто под највисокото ниво во август. Американските договори флуктуираа, а акциите на европските берзи паднаа.
Приносите на двегодишните државни обврзници полека слабеат и се поместија од нивото од речиси 4 отсто, бидејќи трговците го мерат ризикот дека монетарното затегнување ќе ја турне економијата во рецесија. Банката на Јапонија објави непланирано купување на обврзници бидејќи се обидува да го скроти притисокот на зголемување на приносите пред одлуката за монетарната политика што треба да се донесе неделава.
Доларот се тргуваше близу рекордно високо ниво на пазарот на кој владее нервоза, додека биткоинот се движеше околу 19.000 долари. Јуанот падна на најниското ниво во однос на доларот од средината на 2020 година, дури и откако Народната банка на Кина ја постави дневната референтна стапка за валутата која е повисока од очекуваното 20-ти ден по ред.
Претставниците на Федералните резерви во САД се подготвуваат да објават бројки за „болката“ за која предупредија дека ќе настане кога денеска централната банка ќе ги објави новите економски проекции. Огромно мнозинство аналитичари анкетирани од Bloomberg очекуваат зголемување на каматната стапка за 75 базични поени. Само двајца прогнозираат потег од 100 базични поени.
„Oбемот и натаму е слаб и се чувствува претпазливост, при што малкумина сакаат да прават големи потези пред да слушнат што вели ФЕД и што размислуваат креаторите на политиката за понатамошните зголемувања на каматните стапки во остатокот од циклусот на покачување“, вели Фиона Цинкота, виша аналитичарка на финансиските пазари во City Index. „Тоа е она што ќе ги придвижи пазарите, не најавеното зголемување на каматите, туку она што ФЕД планира да го направи следно“.
Инвеститорите очекуваат зголемување на каматните стапки за 75 базични поени, но можен е и повисок раст / Bloomberg
Нуриел Рубини, кој точно ја предвиде финансиската криза во 2008 година, гледа „долга и грда“ рецесија кон крајот на 2022 година која може да трае цела 2023 година и остра корекција на S&P 500. „Дури и во нормална, блага рецесија, S&P 500 може да падне за 30 отсто“, рече претседателот на Roubini Macro Associates. Со „навистина брзо забавување“, кое тој го очекува, падот може да биде и 40 отсто.
Сепак, некои професионални шпекуланти одбиваат да се предадат на идејата дека нестабилната берза ќе претрпи тежок удар и заземаат биковски и мечкини позиции со најбрза стапка во последните пет години. Како што S&P 500 падна минатата недела, хеџ-фондовите собраа поединечни акции додека се обложуваа против поширокиот пазар со производи како што се фондови со кои се тргува преку берза, покажаа податоците од главната брокерска куќа Goldman Sachs Group.
Цената на нафтата се движеше околу 84 долари за барел во вторникот и се чини дека ќе ја има првата квартална загуба по повеќе од две години поради загриженоста за падот на побарувачката за енергија. Цената на златото стагнира на најниско ниво во последните две години.
