.webp){kind=icon}
Закрепнувањето забележано на американските берзи во средата беше краткотрајно и беше прекинато веќе во четвртокот. Откако берзанските индекси пораснаа за два отсто во средата, по нив следеше сличен пад во четвртокот, бидејќи инвеститорите ги обновија стравувањата дека рестриктивната монетарна политика може сериозно да ѝ наштети на американската економија.
Четвртокот донесе добри вести од пазарот на трудот што всушност е лоша вест за инвеститорите во моментот. Извештајот дека бројот на новоневработени Американци падна на петмесечен минимум минатата недела значи дека американската економија е поотпорна отколку што се мислеше. Но, во исто време, тоа значи и дека креаторите на монетарната политика нема да се двоумат дополнително да ги зголемат референтните каматни стапки за да ја потиснат инфлацијата.
Лошиот ден за берзанските инвеститори заврши со пад на индексот Dow Jones за 1,5 отсто на ниво од 29.225,61 поени, додека индексот S&P 500 се лизна за 2,1 отсто на 3.640,47 поени. Најлошо помина индексот Nasdaq, во кој доминираат технолошките акции. На крајот на денот затвори на ниво од 10.737,51 поени, што е за 2,8 отсто помалку од средата.
Прочитај повеќе
Приносот на десетгодишните обврзници во САД надмина четири отсто
Индексот што ги следи американските хартии од вредност го продолжи својот пад во својата најлоша година од 70-тите.
28.09.2022
Акциите на Apple потонаа за 4,9 отсто, а на Microsoft 1,5 отсто. Пад на вредноста забележаа и производителите на процесори AMD и Intel: AMD за 6,2 проценти и Intel за малку поблаги 2,8 проценти. Надолу паднаа и акциите на Meta, чадор-компанија на социјалната мрежа Facebook, откако беше објавено дека компанијата престанала да вработува и ги предупреди вработените дека може да има и отпуштања.
Ниту во другите сектори не беше подобро. Лош ден имаа и акциите на авиокомпаниите, како American Airlines, United и Delta Air Lines, чии операции беа делумно погодени од откажувањето на летовите поради ураганот што ја погоди сојузната држава Флорида. Акциите на производителите на автомобили General Motors и Ford исто така паднаа за повеќе од пет отсто во четвртокот.
