.webp){kind=icon}
Турските акции брзо преминаа од најдобри до акции со најлоши остварувања во светот, при што националната референтна вредност за акционерскиот капитал во државата е поставен за најслаб почеток на годината од глобалната финансиска криза.
Референтниот индекс Borsa Istanbul 100 на месечно ниво беше намален за девет отсто, што е показател за најлош јануари од 2008 година и најголем месечен пад од почетокот на пандемијата на ковид.
Политичката неизвесност е клучен двигател за уништување на профитите по минатогодишната добивка од речиси 200 отсто за индексот, додека се наѕираат претседателски и парламентарни избори оваа година. Претседателот Реџеп Таип Ердоган се соочува со тесна трка што може да го загрози неговото 20-годишно владеење, најдолго во историјата на Турција.
Bloomberg Mercury
Изборите, кои првично беа закажани за 18 јуни, но најверојатно ќе бидат поместени, како што навести Ердоган, се клучен момент за пазарите и странските инвеститори во услови на загриженост поради годините на неконвенционални монетарни политики. И сето тоа се случува во момент кога Турција се бори со најлошата криза на трошоците за живот во последните децении во услови на неконтролирана инфлација, која се искачи дури на 85 проценти во 2022 година, пред да забави кон крајот на годината.
„Политичката неизвесност во пресрет на годинешните избори, вклучувајќи и во однос на датумот на гласање, како и порастот на каматните стапки на депозитите, доведе до зголемена побарувачка од инвеститорите да ги впаричат минатогодишните добивки“, рече Бурак Исјар од ИЦБЦ (ICBC Turkey Investment).
