.webp){kind=icon}
Во 2023 година, готовината е далеку од тоа да биде ѓубре. (Cash is far from trash)
Ова е заклучокот на 404 професионалци и инвеститори во трговијата на мало кои учествуваа во најновото истражување на МЛИВ Пулс (MLIV Pulse - неделно истражување на корисниците на терминалот и интернет платофматата на „Блумберг Њус“ кое го спроведува тимот на „Блумберг Маректс“). Две третини од испитаниците рекле дека парите во нивните портфолија ќе ги подобрат нивните перформанси во наредната година.
Тоа што готовината има таква привлечност кажува многу за проблематичното финансиско и економско опкружување. Стравот од потенцијален мечкин пазар, континуираното зголемување на каматните стапки од страна на Федералните резерви и претстојната рецесија ги нервираат инвеститорите, загрижени дека 2023 година би можело да биде повторување на бруталниот удар врз портфолијата од 2022 година. Главниот стратег на „Морган Стенли“, Мајкл Вилсон во изјава за ТВ Блумберг рече дека индексот S&P 500 би можел да падне за околу 20 отсто поради слабата корпоративна заработка.
Bloomberg
Во овој контекст, готовината изгледа како безбедно засолниште, особено со неодамнешните приноси на краткорочните државни благајнички записи кои се доволно високи за да го надминат класичното портфолио на акции и обврзници 60/40 за прв пат од 2001 година. Дури и штедните сметки имаат висок принос и сега им плаќаат на штедачите близу четири отсто.
„Ги охрабруваме луѓето дека е во ред да се чува готовина“, рече Лео Кели, главен извршен директор на „Верденс Капитал“ (Verdence Capital Advisors). „Можете да добиете добар принос и ќе има многу нестабилност на пазарите и многу можности тие пари да се стават вложат“.
Се разбира, инвеститорите губат поради инфлацијата држејќи готовина, вели Рејчел Елсон, советник за богатство. Но, за клиентите кои знаат за какви трошоци треба да штедат, како претстојната свадба или претстојната даночна сметка, помалку е болно да се биде разумен кога може да добиете 3,75 отсто на штедната сметка , вели Елсон.
Парите што инвеститорите ги ставаат на пазарите оваа година е поверојатно да одат во пасивни фондови отколку во активно управувани заеднички фондови. Само 17 отсто од испитаниците во истражувањето рекле дека е многу веројатно просечниот активен американски акционерски фонд да го надмине пасивниот фонд кој го следи S&P 500, по даночењето, во 2023 година.
Кога професионалните инвеститори беа прашани дали планираат да ја зголемат својата изложеност на активни фондови, пасивни фондови и меѓународни инвестиции оваа година, најпопуларниот одговор беше меѓународна изложеност (47 отсто), проследена со инвестирање повеќе пари во пасивни фондови (37 отсто) и зголемување на инвестициите во активни фондови (30 отсто).
Bloomberg
Спротивно на тоа, инвеститорите на мало имаат поголема веројатност да вложуваат пари во пасивни фондови (46 отсто), а потоа следат меѓународните инвестиции (38 отсто) и активно управуваните фондови (22 отсто).
Додека повеќето испитаници мислат дека купувачите на акции ќе продолжат да губат удел на пазарот поради пасивните фондови, други не очекуваат активните менаџери да изумрат за 10 години. Само 25 отсто изјавиле дека ќе престанат да постојат во следната деценија, додека останатите три четвртини веруваат дека ќе преживеат поради различни причини, од подобри перформанси до инерција.
„Наследството е тешко да се убие“, напиша еден од испитаниците.
Bloomberg
Некои инвеститори велат дека способноста на активните менаџери да бидат пргави и да чуваат готовина ќе создаде атрактивна опција во несигурни времиња. „Со стапки кои се постојано се зголемуваат и помалку брзи пари, ќе има големи можности за фокусираните, активни менаџери да се подобрат“, напиша еден од испитаниците. На фундаментално ниво, „човечката природа е да бара натпросечни приноси“, коментира друг испитаник.
