.webp){kind=icon}
Денеска е драматично за европските берзи и тоа допрва ќе се отсликува откако Европската централна банка ги зголеми каматите, изјави за Bloomberg Adria, генералниот директор на Македонска берза, Иван Штериев. Тој гостуваше во Мarket conect и зборуваше за актуелните случувања во Европа и во регионот и нивното влијание на пазарите. Италијанскиот премиер Марио Драги денеска поднесе оставка со што дополнително се зголеми нестабилноста на цените и се зголемија приносите на италијанските обврзници.
„Надоместокот кој купувачите на тие обврзници го бараат сега е поголем, а тоа за Италија како втора најзадолжена земја во еврозоната значи дека ќе имаат проблем или поголем трошок за рефинансирање. Тие се обидуваа да ја подобрат таа ситуација во последните неколку години, па така просечното време на доспевање на обврзниците е седум години, но од друга страна некаде 35 отсто од нивниот долг доспева во следните две години. Ако овие повисоки приноси се исти или повисоки, ќе им требаат повеќе пари за да го рефинансираат“, објасни Штериев.
Тој додаде дека оваа ситуација ќе има влијание и пошироко.
„Нормално, бидејќи сè е поврзано во Европа, тоа потенцијално ќе се прелее во други земји и корпоративни сектори. Ние не сме изолирани, тоа ќе биде поврзано и со нашиот регион“, изјави тој за ТВ „Блумберг Адриа“.
