.webp){kind=icon}
Според „Стандард чартед“ (Standard Chartered), шпекулантите кои се придржуваат до ставот дека надолната рута на криптото е завршена, може да се соочат со неочкуван шок во 2023 година.
Натамошно паѓање на биткоинот од околу 70 отсто, до вредност од 5.000 долари следната година е меѓу „изненадувачките“ сценарија кои можеби во моментот се потценети од страна на пазарите, напиша во белешка шефот за глобално истражување на банката, Ерик Робертсен.
Побарувачката би можела да се префрли од биткоинот, кој се смета за дигитална верзија на златото, кон благородниот метал, поттикнувајќи негов раст до 30 отсто, додава Робертсен.
Прочитај повеќе
Пропаѓа тврдењето дека биткоинот ќе вреди 500.000 долари за пет години
Мајк Новограц, кој важи за голем застапник на криптовалутите се откажа од предвидувањето дека биткоинот ќе се искачи на 500.000 долари.
02.12.2022
Ако се повтори историјата, би требало да очекуваме нов пад на биткоинот
Во текот на последната деценија биткоинот секогаш имал слаб декември по пад во ноември.
02.12.2022
Мобиус: Биткоинот ќе падне на 10.000 долари на овој опасен пазар
Еден од основачите на компанијата „Мобиус капитал партнерс“ вели дека следна референтна точка се 10.000 долари.
29.11.2022
BIS: Три четвртини од малите инвеститори во биткоин изгубиле пари
Истражување за тоа колку мали инвеститори користат апликации за размена на криптовалути сугерира дека околу три четвртини изгубиле пари на биткоин.
16.11.2022
Овој можен исход вклучува пресврт во зголемувањето на каматните стапки додека економиите премостуваат тежок период и уште повеќе крипто „банкроти и пад на довербата на инвеститорите во дигиталните средства“, посочува тој.
Воедно нагласува дека не прави предвидувања, туку образложува сценарија кои се надвор од сегашниот консензус на пазарот.
Прашањето за иднината на дигиталните средства веројатно никогаш не било потешко да се одговори по падот на криптоберзата FTX на Сем Банкмен-Фрид и сестринската трговска куќа „Аламеда“ (Alameda Research). Потресите што се шират од експлозијата се закануваат да соборат уште повеќе криптокомпании и да ги намалат цените на токените.
Според некои, голем дел од лошите вести можеби веќе се одразени во падот од над 60 отсто на биткоинот во изминатата година.
XBTEUR:CUR
XBT-EUR Cross Rate
16.130 EUR
-36,26 -0,22%
почетна цена
16.206,57
претходна цена на затворање
16.166,26
промена од почетокот на годината
-60,0879%
дневен опсег
16.081,05 - 16.491,28
опсег на 52 недели
15.149,84 - 46.193,61
„Нашиот основен став е дека поголемиот дел од присилната продажба е завршена, но инвеститорите веројатно нема да бидат компензирани за пазарниот ризик во блиска иднина“, напиша Шон Фарел, шеф на стратегија за дигитални средства во „Фандстарт“ (Fundstrat).
Фарел укажа на тековната несигурност околу „Диџитал каренси“ (Digital Currency Group), матична компанија на крипто-брокерот „Џенезис“ (Genesis). Доверителите на Genesis бараат опции за да се обидат да спречат банкрот на платформата.
