.webp){kind=icon}
Властите на Бахамите презеле контрола врз дигитални средства во вредност од 3,5 милијарди долари на „ФТХ дигитал маркетс“ (FTX Digital Markets), набргу откако фирмата поднесе барање за заштита од банкрот по основа на Поглавје 11 во САД, според информации обезбедени од основачот Сем Банкмен-Фрид, а кои се цитирани во соопштение од 29 декември на Комисијата за хартии од вредност на Бахамите.
Комисијата запленила дигитални средства на FTX вредни повеќе од 3,5 милијарди долари заклучно со 12 ноември, наведувајќи го како причина ризикот од непосредно растурање на средствата поради загриженоста изразена од Банкмен-Фрид, во однос на сајбер-напади на берзата, се вели во соопштението на регулаторот.
Во рок од неколку часа откако FTX поднесе барање за стечај на 11 ноември, од берзата беа украдени околу 372 милиони долари во токени, според документите за стечај. FTX забележа речиси 700 милиони долари одлив на токени во рок од 24 часа, според истражувачката фирма за блокчејн „Нансен“ (Nansen).
Комисијата за хартии од вредност на Бахамите соопшти дека дигиталните средства се под нејзина ексклузивна контрола на привремена основа, додека Врховниот суд на земјата не му дозволи на регулаторот да им ги врати на клиентите и доверителите или заедничките ликвидатори.
Тоа би можело да обезбеди олеснување за некои клиенти на FTX откако сегашниот извршен директор на фирмата Џон Џеј Реј Трети, кој го надгледува реструктурирањето, предупреди дека меѓународните клиенти може да изгубат повеќе средства од оние во САД.
Bloomberg
Властите на Бахамите истражуваат мрежа на врски помеѓу банкротираниот FTX.com - кој е локално регистриран како FTX Digital Markets Ltd. - и трговската фирма на Банкмен-Фрид, „Аламеда рисрч“ (Alameda Research).
Американското министерство за правда поведе кривична истрага за украдениот имот, одделен процес од случајот за измама против Банкмен-Фрид, објави „Блумберг“.
Врховниот суд на Бахамите предложи Комисијата законски да помогне во споделувањето информации поврзани со дигиталните средства на FTX со американските должници и нивните претставници, додаде регулаторот.
