.webp){kind=icon}
Делегација на јужнокорејски официјални претставници минатата недела допатувала во Србија за да побара помош во ловот на криптобегалецот До Квон.
Обвинителството во Сеул во вторникот соопшти дека информациите оти еден од нивниот тим го посетил нашиот сосед заедно со висок функционер на Министерството за правда „не се лажни“.
Србија во декември се појави како потенцијална локација за Квон, паднатиот 31-годишен претприемач што се соочува со обвиненија во неговата родна Јужна Кореја поради колапсот што збриша 60 милијарди долари во дигитални средства.
Прочитај повеќе
Има сомнежи дека криптобегалецот Квон пере биткоини во Србија
Бегалецот До Квон наводно во Србија искеширал 9,64 биткоини, пишува јужнокорејскиот портал „Диџитал асет“.
24.12.2022
Кореец кој збриша крипто средства од 60 милијарди долари се крие во Србија?
Србија се наведува како можна локација на крипто-бегалецот До Квон, пропаднат 31-годишен јужнокорејски претприемач.
12.12.2022
Пoтреси на крипто пазарот: Интерпол го бара соооновачот на Тераформ
Се сомничи за дејствата кои предизвикаа огромни штети кога се урна неговата криптовалута, бришејќи вредност од 60 милијарди долари
26.09.2022
Квон ја разви тераУСД (terraUSD), стабилна криптовалута што требаше да има константна вредност од еден долар користејќи алгоритамски систем и стимулации од криптотрговците, во кои беше вклучен и нејзиниот сестрински токен луна (Luna). Работата експлодира во мај 2022 година, придонесувајќи за колапс на криптопазарот, кој забележа пад на неговата вредност за двe илјади милијарди долари.
Локацијата на Квон стана нејасна откако властите издадоа налог за негово апсење во септември минатата година поради повеќе обвиненија, вклучувајќи и прекршување на законите за пазарите на капитал. Јужна Кореја му го одзеде пасошот и објави дека по Квон е распишана црвена потерница од Интерпол.
Тој повторно се појави на Твитер пред неколку дена, по повеќенеделно отсуство, што ги поттикна шпекулациите за тоа каде се наоѓа. Квон напиша дека „не ги украл парите и дека никогаш немал 'тајни исплати'“. Тој претходно негираше дека сторил нешто лошо.
Обвинителите и Министерството за правда на Јужна Кореја одбија да коментираат за точната локација на Квон во вторникот.
Минатата година официјални лица соопштија дека Квон полетал за Дубаи, можеби попатна станица за понатамошни неоткриени локации, откако го напуштил Сингапур, каде што беше базиран неговиот проект „Тераформ лабс“ (Terraform Labs).
