FTX ja вовлече банката Силвергејт во проблеми

„Силвергејт капитал“ (Silvergate Capital) е банка што индиректно се занимава со криптовалути. 

Деловната визија на оваа корпорација е поврзана со неработните денови на традиционалниот банкарски систем, кога до израз би дошла нивната активност, која опфаќа трансфер на фидуцијарни пари. Иако „Силвергејт“ не работи директно со криптовалути, кои според своите карактеристики спаѓаат во шпекулативна форма на средства, повеќето од нивните клиенти ги купуваат и продаваат токму нив. Интересно, меѓу нивните редовни клиенти беше и пропаднатата криптоберза FTX.

Во регулаторниот извештај за март, „Силвергејт“ изрази загриженост дека наскоро би можеле да бидат недоволно одржливи. Оттаму на почетокот на оваа година пријавија загуби за четвртиот квартал од 2022 година во износ од повеќе од милијарда долари. Како резултат на тоа, 200 вработени беа отпуштени, а работната сила беше намалена за 40 отсто.

Нивните акции го следеа негативниот деловен тренд, паѓајќи од највисоката цена од 220 долари во ноември 2021 година до сегашната цена од 6 долари.

Падот дојде како резултат на истрагата на Министерството за правда на САД за можна несолвентност на корпорацијата поврзана со колапсот на берзата FTX. Најголемата американска банка „ЏП Морган“ (JPMorgan) го промени сентиментот на акциите од неутрален на едно ниво подолу - недоволно тежок (underweight), па берзата „Коинбејс“ (Coinbase) ја прекина соработката со „Силвергејт“ како банкарски деловен партнер.

Група американски сенатори, вклучувајќи ја и сенаторката од Масачусетс, Елизабет Ворен, неодамна објавија изјава во која го истакнуваат нивниот бизнис со берзата FTX. „Силвергејт“, сметаат тие, го вовела криптопазарот во традиционалниот банкарски систем.

Во моментов нема коментари за веста. Биди прв да коментира...

Остави коментар