Еврото се изедначи со доларот за првпат по две децении

Едно евро сега вреди исто како еден американски долар за прв пат по две децении, по историскиот пад на заедничката европска валута.

Еврото падна за да се тргува нешто под еден долар за прв пат од 2002 година. Досега оваа година ослабе за околу 12 отсто.

Bloomberg

Надолната спирала на валутата до паритет беше неверојатно брза, имајќи предвид дека во февруари се тргуваше за околу 1,15 долари. Низа на големи покачувања на каматните стапки на Федералните резерви во САД го зголемија доларот, додека руската инвазија на Украина ги влоши изгледите за раст во еврозоната и ги зголеми трошоците за нејзиниот увоз на енергија.

Тоа ја става Европската централна банка (ЕЦБ) во ќор-сокак. Таа досега се спротивставуваше на агресивното заострување на политиката што го применуваат централните банки ширум светот, сигнализирајќи дека ќе ги зголеми трошоците за задолжување за четвртина поен подоцна овој месец. Веројатно тоа ќе го одржи проширувањето на разликата во каматните стапки што ќе го задржи притисокот врз заедничката валута.

Во моментов нема коментари за веста. Биди прв да коментира...

Остави коментар