.webp){kind=icon}
Членките на Европската Унија (ЕУ) ја поддржуваат идејата за користење на дозволите за емисија на „CO2“ во рамки на блокот, со цел да се помогне на процесот на транзиција од руските фосилни горива.
Министрите за финансии, кои се состанаа во Луксембург, го одобрија компромисниот план, што го изработи чешката влада, која претседава со ЕУ. Со ваквиот потег ќе се ослободат 20 милијарди евра од емисија на јаглероден диоксид. Отприлика околу 75 проценти од парите ќе дојдат од Фондот за иновации на блокот, додека остатокот ќе бидат достапни преку давачките, кои што однапред се определуваат.
Министрите, исто така, одлучија да го изменат уделот на средствата на кои што имат право членките, земајќи ја предвид зависноста од фосилни горива. Парите од емисијата на јаглероден диоксид, заедно со преостанатите заеми од фондот на блокот за опоравување од Ковид последиците, што членките на Унијата сега може да ги користат за помош во зајакнување на обновливите извори на енергија и за инфраструктурата на фосилни горива потребни за ЕУ да се ослободи од зависноста од руска енергија.
Прочитај повеќе
ЕУ ги намали ризиците за зимата, цените на гасот паѓаат
Референтните фјучерси паднаа за 5,9 отсто.
03.10.2022
Кина ќе отвори скоро третина од новите рудници за јаглен во светот
Австралија е втора со 17 отсто учество, а по неа следат Индија и Русија со по 16 отсто.
29.09.2022
ЕУ брза да најде алтернативи за руските испораки на енергија по инвазијата на таа држава врз Украина. Москва ги ограничи испораките на природен гас за континентот, ште предизвика криза без преседан.
Европската комисија, како извршен орган на ЕУ, во месец мај објави контроверзна идеја за продажба на дозволите во вредност од 20 милијарди евра, кои беа повлечени од пазарот и се чуваа како резерви за стабилност на пазарот. Идејата тогаш доби мала поддршка од членките на ЕУ.
Фјучерсите за јаглен во текот на денешниот ден се тргуваат стабилно, на ниво од околу 66 евра за тон.
Првичниот план за пазарот на јаглен предизвика пад на цената на дозволите бидејќи инвеститорите ја критикуваа ЕУ поради недостигот од политичка предвидливост и поради потенцијалното слабеење на резервите за стабилност на пазарот, механизам за контрола на испораките, што на почетокот годинава помогна да се доведат трошоците за емисија на рекордно високо ниво. Исто така, предизвика загриженост меѓу еколозите дека овие мерки може да ги поевтинат трошоците за „валканата“ индустрија.
Во претстојните недели одборот за животна средина на Европскиот парламент треба да преговара околу конечната одлука за предлогот, после што би се знаело дали ваквата идеја ќе стапи на сила од почетокот на следната година.
