.webp){kind=icon}
Цената на европскиот природен гас порасна поради прогнозите за поладно време, како и поради тоа што се ограничени резервите од Норвешка, најголемиот извозник на гас на континентот.
Фјучерсите пораснаа за 16 проценти, заздравувајќи по падот од 14 проценти, регистриран во петокот. По долгиот период на невообичаено топло време, температурите ќе паднат под просекот кон крајот на неделава, а според прогнозите од „Максар технолоџис“ се очекува дека во Берлин ќе паднат и под нулата. Тоа би требало да ги принуди луѓето да почнат да користат грејни тела, со што ќе се зголеми побарувачката за гас. Освен тоа, тековите на гориво од Норвешка прекинаа на две локации каде што имаше проблеми со процесот на испорака. Националното поле Асгард е затворено по пожарот што избувна во текот на вчерашниот ден, а според информациите од управителот на мрежата „Гаско“, не се очекува дека повторно ќе се вклучи пред 19 ноември.
Bloomberg Mercury
Прочитај повеќе
ББА-анализа: Струјата, гасот и горивата ќе „горат“ до пролет
Инфлацијата и нарушувањата во синџирот на снабдување продолжуваат да влијаат врз движењата на цените.
14.11.2022
Европската струја е рекордно скапа и покрај владините мерки
Цената на киловат гас за една година поскапе двојно, додека сметките за струја се покачија за 67 отсто.
07.11.2022
Денешната цена на норвешкиот гас изнесува 113,7 евра за мегават-час. Еквивалентните фјучерси во Обединетото Кралство зајакнаа за 19 проценти, исто така заздравувајќи по распродажбата од минатата недела.
„Цените на гасот се враќаат поттикнати од временските прогнози и норвешките резерви“, велат аналитичарите од „ДБ груп Европа“ (DB Group Europe). „Но, со долгорочни прогнози, кои уште укажуваат на здрави резерви, цените на крајот ќе мора да потклекнат под мечкиниот притисок“, велат аналитичарите.
Референтните стапки се преполовија во последните неколку недели поради големите испораки на природен гас, намалувањето на потрошувачката и преполните резерви, што придонесе да се зголеми довербата дека Европа може да избегне недостиг зимава.
Континентот се соочува и со голема веројатност за значајно повисоки температури зимава отколку нормалните, покажуваат прогнозите на службата за климатски промени на ЕУ, „Коперникус“.
„Иако постои некаква неизвесност за достапноста на гас во текот на следната зима, ова е позитивен знак. Сепак, многумина надлежни предупредуваат дека кризата е далеку од крајот, бидејќи испораките на гас во светот и натаму се ограничени, а зимата може да претставува голем предизвик“, велат аналитичарите од Дојче банк. Според нив, тоа создава нервоза на пазарот поради тенката тампон-зона и идната несигурност во случај на прекин на испораките или во случај на студен бран во претстојните месеци.
