.webp){kind=icon}
Европската унија (ЕУ) постигна договор за употреба на воздухопловни горива кои се климатски прифатливи, со цел постепено да се усогласи воздушниот транспорт со целите на зелената транзиција.
Преговарачите од Европскиот парламент и земјите-членки се согласија дека количината на одржливи воздухопловни горива со помал удел на јаглерод, достапна на аеродромите на ЕУ, мора да изнесува шест проценти до 2030 година, од кои 1,2 проценти мора да бидат синтетички произведени со користење обновливи извори и јаглерод извлечен од атмосферата. До 2050 година, оваа вкупна количина на одржливи горива ќе треба да достигне 70 проценти со 35 проценти учество на синтетичките.
До крајот на 2025 година уделот на одржливите горива треба да биде два отсто. Преговарачите се согласија дека горивата со ниска содржина на јаглерод, како нуклеарното, исто така можат да придонесат за постигнување на целта за користење на синтетички горива.
Овој договор претставува чекор напред во напорите за декарбонизација во еден од најпроблематичните сектори, бидејќи технологиите како што се авиони на водород или електрични батерии сè уште се во почетна фаза.
Во ЕУ се надеваат дека со растот на употребата на биогоривата и синтетичкиот керозин ќе се развие пазарот и ќе паднат цените.
Според извештајот на Европската агенција за воздухопловна безбедност за 2022 година, одржливите горива во моментов се користат само со минимални 0,05 проценти.
Bloomberg
Претставниците на авиокомпанијата веруваат дека употребата на поскапо гориво поради повисоките цени може да доведе до помал сообраќај.
„ЕУ мора да размислува за одржливи горива како што размислува за ветерници, соларни панели и други одржливи технологии со цел да ја поддржи енергетската транзиција во воздухопловството“, рече Лоран Донсел, вршител на должноста директор на Ерлајнс за Европа, најголемата асоцијација на авиокомпании во ЕУ.
Авијацијата ќе биде вклучена и на пазарот на дозволи за емисии на ЕУ, односно авиокомпаниите кои работат во ЕУ ќе треба да плаќаат за емисиите на стакленички гасови што ги произведуваат.
Во исто време, ќе бидат дадени стимулации за декарбонизација во форма на 20 милиони дозволи за јаглерод до 2030 година за да им се помогне на авиокомпаниите да ги покријат трошоците за одржливи горива.
Некои од компаниите, како Бритиш Ервејс, Луфтханза, Ер Франс-КЛМ и Рајанер, веќе се обврзаа да постигнат нето нула емисии до 2050 година.
Европскиот парламент и земјите-членки сега треба официјално да го одобрат постигнатиот договор.
