.webp){kind=icon}
За прв пат по 2015 година, во мај годинава покриеноста на увозот со извоз падна под 70 отсто. Во изминатите години структурана на македонската трговија се смени, од земјава почнаа да се извезуваат стоки со поголема додадена врендост што резултираше со намалување на јазот во трговската размена. Извозот во тој период растеше многу побрзо од увозот.
Според денешните бројки на Државниот завод за статистика, годинава, во периодот од јануари до мај увозот расте многу побрзо од извозот. Годинава врендоста на изезените стоки се зголемила за 18.8 отсто, а вредноста на увезените за 29,6 отсто. Во истиот период лани вредноста на извозот била зголемена за 44.3 отсто, а на увозот за 39.5 отсто. Тогаш покриеноста на увозот со извоз изнесувала 73,7 отсто. Дупката во трговијата за пет месеци е за 607,8 милиони евра поголема од лани.
И лани и годинава, всушност како и години наназад, од земјава најмногу се извезуваат катализатори на носачи со благородни метали ни нивни соединенија, сетови за проводници за пелање возила, авиони или бродови, делови за седишта....
Промена е настаната кај увозот. До лани први на листата биле металите, годинава високата цена на нафтата го стави енергенсот на врвот на листата на увезени стоки.
Она што речиси не се менува е исто така групата земји со кои Макеоднија има најголема трговска размена. Германија, Велика Британија, Грција, Србија и Бугарија се најголемите трговски партнери во последните две години. Претходно, наместо со Бугарија повеќе сме тргувале со Италија.
