.webp){kind=icon}
САД и нивните сојузници разговараа за можноста да ја ограничат цената на руската нафта меѓу 40 и 60 долри за барел. Истражувале неколку начини да ги ограничат приходите на Русија од нафта, а истовремено да го намалат влијанието на сопствените економии, велат извори запознати со ова прашање. За ова било разговарано на Самитот Г7.
На Самитот во Германија кој се одржа минатиот месец, лидерите се согласиле да ги разгледаат можностите за ограничување на цените преку забрана за осигурување и превозни услуги потребни за испорака на руската сурова нафта и нафтените деривати, освен ако нафтата не се купува под договорената цена.
Спецефичната граница ќе зависи од пазарните услови, а тие можат значајно да се сменат. При малиот пад на цената на нафтата во понеделникот, со руската сурова нафта веројатно се тргувало по цена од околу 80 долари за барел. Информациите за трансакциите по инвазијата на Украина станаа помалку достапни. Распонот се движи меѓу она што се верува дека е руски граничен трошок за производство и цената пред инвазијата, велат познавачите. Администрацијата на Бајден смета дека ограничувањето на 40 долари е прениско, велат извори од таму. Целта е да се намалат приходите на Москва за војната во Украина, но постои ризик дека лоши мерки ќе донесат скок на цената на нафтата.
Администрацијата на Бајден досега се оградуваше од воведување екстратериторијални секундарни санкции, а таквите потези беа дочекувани со загриженост меѓу некои од европските сојузници.
Администрацијата на Бајден има по повеќе состаноци недлено на оваа тема. Напорите ќе бидат интензивирани во наредените недели, велат официјални извори.
Иако ова прашање беше спомнато во соопштението од Самитот Г7, сепак посоои скептицизам дека договор наскоро може да биде постигнат со оглед на тоа дека идејата треба да се разработи и дека постојат бројни препреки. Сепак, расправата е во тек за да се утврди конктретен предлог.
Едно прашење ќе се однесува на тоа Европската унија да воведе исклучоци во санкциите затоа што за таква одлука потребна е едногласност на сите 27 земји членки.
Обединетото Кралство е подготвено за воведување ограничувања за осигурувањето и превозните услуги.
САД се загрижени дека ваквата европска забрана, која би требало да стапи на сила на крајот на годината, би можела да придонесе за уште поголем скок на цената на нафтата, според некои проценки дури до 185 долари за барел, и тоа да доведе до рецесија.
Заедно со Обединетото Кралство, ЕУ покрива поголем дел од од глобалниот пазар за осигурување и Русија тешко дека ќе може да го транспортира својот производ без пристап до таа услуга.
Земјите од Г7 и ЕУ се договорија за постепено укинување на увозот на руска нафта, но ако тоа го сторат, Москва ќе настојува да го зголеми извозот за други купувачи по пониски цени. Русија се уште заработува по повеќе од 600 милиони долари дневно од нафтата, иако неколку земји ги избегнуваат испораките од таму.
Податоците покажуват дека Кина за три месеци двојно го зголеми трошокот за руска нафта, гас и јаглен. Индија за истиот период издвои 5,1 милијарди долари, што е пет пати повеќе од лани.
