.webp){kind=icon}
Бензините поевтинуваат за три денари, а цената на дизелот останува иста, одлучи Регулаторната комисија за енергетика и водни услуги. Со одлуката се врши намалување на малопродажните цени на нафтените деривати во просек за 1,13 отсто, а поради тоа што референтните цени на нафтените деривати на светскиот пазар во споредба со претходната пресметка бележат намалување.
Според новата одлука од ноќеска по полноќ моторен бензин ЕУРОСУПЕР БС - 95 ќе чини 102,5 денари за литар, бензинот ЕУРОСУПЕР БС - 98 104,5 денари за литар, додека дизлот останува по цената од 100 денари за еден литар.
Масло за горење Екстра лесно 1 (ЕЛ-1) од полноќ ќе се продава за 98 денари за литар, а килограм мазут ќе чини 50,903 денари за килограм.
Курсот на денарот во однос на доларот во изминатиот период по кој беа формирани цените со претходната пресметка е повисок за 1,742 отсто.
